Кун Кенешысь депутатъёс «Кызьпу арама» паркын ортчем субботнике пыриськизы

Удмуртиысь ёросъёсын но каръёсын котырез чылкытатонъя субботникъёс азьланьтӥсько. Шутэтскон нуналъёсы вань удмуртъёслэн «Удмурт кенеш» Ассоциацизылэн азьветлӥсьёсыз огазеяськонлэн тӧроеныз, Кун Кенешысь наукая, дышетонъя, культурая, йӧскалык но егитъёсын ужан политикая но спортъя ӧрилэн кивалтӥсеныз Татьяна Ишматоваен ӵош Ижкарысь «Кызьпу арама» паркын утялтӥськизы. Огъя уж борды итӥськизы элькун парламентысь экономика политикая, промышленностья но инвестициосъя ӧрилэн кивалтӥсез Александр Майер, Кун Кенешлэн депутатэз Сергей Буторин, Элькунысь культурая министр Владимир Соловьёв, Иж Кар думалэн Тӧроез Олег Гарин.
Вемее пыриськисьёс жуг-жагез, усем куаръёсты, тӥяськем писпу вайёсты утялтӥзы но мешокъёсы тыризы.
«Веме туж шулдыр ортчиз. Жуг-жагез утялтӥмы. Кырӟаса-эктыса но вуимы. Тау, эшъёс, вуэмды понна!» - мерлыко вотэсъёсын ужрадлы йылпумъян лэсьтӥз Татьяна Ишматова.