Версия для слабовидящих
«Единая Россия» фракцилэн кивалтӥсьёсызлэн Кенешсы Удмуртилэсь адямиосты нуллӥсь транспортъя катэ воштонъёс пыртыны ӵектонзэ эскероз

«Единая Россия» фракцилэн кивалтӥсьёсызлэн Кенешсы Удмуртилэсь адямиосты нуллӥсь транспортъя катэ воштонъёс пыртыны ӵектонзэ эскероз

16.05.2019
 «Единая Россия» фракцилэн кивалтӥсьёсызлэн Кенешсы Удмуртилэсь адямиосты нуллӥсь транспортъя катэ воштонъёс пыртыны ӵектонзэ эскероз
Туннэ Кун Думаысь «Единая Россия» фракцилэн кивалтӥсезлэн воштӥсез Андрей Исаев Удмуртиысь Кун Кенешлэсь адямиосты транспортэн нуллӥсьёслэсь ужзэс радъянъя ӵектонзэ эскеронлы сӥзем кенешон ортчытӥз. Отчы пыриськиз удмурт элькун парламентысь кышкыттэмлыкъя, Регламентъя но Кун Кенешлэсь ужзэ радъянъя комиссилэн кивалтӥсез Елена Дербилова.
Удмуртиысь депутатъёс пассажиръёсты нуон-ваён федерал катрадлыке воштонъёс пыртыны ӵектонэн Кун Думае вазиськизы туэ тулыспал толэзе. Соос адямиосты нуллӥсьёслэсь ужзэс чакланэз кужмоятыны куризы.
Кызьы валэктӥз Елена Дербилова, Удмуртиысь депутатъёсты сюлмаськытэ адямиосты нуллыку кылдылӥсь кышкыт учыръёслэн йылэмзы. Ӵемысь автобус нимысьтыз заказъя ужась шуыса пусъемын луэ, нош ужа калыкез ялан нуллӥсь-ваись транспорт сямен. Озьы ке но, кышкыттэмлыкъя куронъёсты кулэезъя уг быдэсъя, мынӥсьёсты пуктон-васькытон интыосты уг чакла. Озьы ик таӵе транспортын уг быдэсъясько капчиятонъёс басьтыны быгатӥсь муртъёслэн эрикрадъёссы, уг тырисько вытъёс.
Кенешонэ пыриськисьёс ужпумлэсь лэчытлыксэ пусйизы. Федерал катрадлыке воштонъёс пыртыса, мукет улосъёсын но та выллем югдуръёсты алыны луоз.
Андрей Исаев ивортӥз, катӵектос «Единая Россия» фракцилэн кивалтӥсьёсызлэн Кенешазы эскеремын луоз шуыса.




Возврат к списку