Версия для слабовидящих
2018-тӥ арын кадастр дунъет сётонэз ортчытон ужпумъёсты эскеризы котрес ӝӧк сьӧрын

2018-тӥ арын кадастр дунъет сётонэз ортчытон ужпумъёсты эскеризы котрес ӝӧк сьӧрын

14.05.2019
2018-тӥ арын кадастр дунъет сётонэз ортчытон ужпумъёсты эскеризы котрес ӝӧк сьӧрын
Туннэ экономика политикая, промышленностья но инвестициосъя ялан ужась ӧрилэн тӧроезлэн Александр Майерлэн кивалтэмез улсын ваньбурлы кадастр дунъет сётон ужпумъёслы сӥзем котрес ӝӧк сьӧрын вераськон ортчиз.
«Та ужпум элькунмы понна туж лэчыт. Кун ласянь кадастр дунъет сётон ваньбурлы выт пуктонлэн инъетэз луэ, шуиз Александр Майер пумиськонэз усьтыса. - Та выт улос но, интыосысь но бюджетъёс понна шӧдскымон юрттэт луэ».
Юртъёсты но музъемез кун ласянь дунъян ужрад котькуд куинь-вить ар ӵоже ортчытъяське. «Та уж кунлэн но, ужбергатон удыслэн но тунсыкъёсынызы герӟаськемын бере, со ваньмызлы валамон но адӟиськымон луыны кулэ», - пусйиз депутат.
Ваньбурлы кадастр дунъет сётон ужрад шаерамы кутскиз кылем арысен. Элькунысь ваньбур кусыпъёсъя министрлэн Анна Боталовалэн верамезъя, туннэ нуналлы Росреестрын Удмуртиысь миллионлэсь ятыр юртъёс но пӧртэм лэсьтӥськемъёс но 740 сюрслэсь трос музъем кесэгъёс пусъемын. 2021-тӥ арозь ваньмызлы соослы дун пуктоно. Туэ 680 сюрс объектъёсты дунъяны чакламын.
2018-тӥ ар ӵоже та ужрадэз ортчытыку, сэрттэмез-пертчемез кулэ карись кӧня ке ужпумъёс шараяськизы, вераз министр. Кылсярысь, федерал катрадлыкын рос-прос пусъемын ӧвӧл интыосысь аскивалтон ёзъёслэн дунъяно объектъёс ласянь ужоскетъёссы, кызьы но мар понна соосты уже кутыны луонлыкъёссы. Сыӵе ивортон ӵемысь уг тырмы Росреестрлэн ЕГРН-ысь сётэм кагазъёсаз но. Ваньмыз со ужез ӝегатэ, солэсь ӟечлыксэ уськытэ.
Кызьы вераз кадастр дунъя но инвентаризацияя Центрлэн кивалтӥсез Наталья Возмищева, 2018-тӥ ар ӵоже дунъет сётӥсьёсын соглаш луытэк 6 208 вазиськон вуиз. 38 процентэз соос палэнтэмын, 62 процентэзъя выльысен дун пуктон ортчытэмын.
Туэ нимысьтыз саклык висъяны чакламын гыроно-кизёно музъемъёсты дунъянлы. Со понна гурт возёсъёслэн кивалтӥсьёсынызы кенешонъёс ортчытъямын луозы.


Возврат к списку