Кун Кенешын нылпиослэсь шутэтскон вакытэ тазалыксэс юнматон ужпумъёсты эскеризы
07.05.2019
Шутэтскон вакытэ пиналъёслэсь тазалыксэс юнматон ужпумъёсты эскеризы Удмуртиысь Кун Кенешын. Кенешонэз нуиз Кун Кенешлэн Тӧроезлэн воштӥсез, тазалыкез утёнъя, семья но демографи политикая комиссилэн кивалтӥсез Надежда Михайлова. Вераськонэ озьы ик пыриськизы наукая, дышетонъя, культурая, йӧскалык но егитъёсын ужан политикая, спортъя комиссилэн кивалтӥсез Татьяна Ишматова, дышетонъя, тазалыкез утёнъя элькун министерствоосысь, Роспотребназорлэн управлениысьтыз ӧнерчиос, нылпи лагерьёслэн кивалтӥсьёссы.
Нылпиослэсь тазалыксэс юнматон понна кылдытэм луонлыкъёсты эскерон али Россиысь вань улосъёсын мынэ. Кызьы вераз Надежда Михайлова, та эскеронъёслэн йылпумъянъёссыя югдурез умойгес карон понна ӵектонъёс дасямын луыны кулэ. Соосты Кун Думае келялозы.
«Шаерамы та удысын ваньмыз ик вольыт шуыны уг луы, - пусйиз депутат. - Вал ини лагерьёсын шутэтскись пиналъёслэн тросэн черлан учыръёссы. Соин ик та кенешонын нылпиосты кышкытлыкъёслэсь утён сярысь но вераськыны кулэ».
Тазалыкез утёнъя министерстволэн ивортэмезъя, туэ шаерамы нылпиослэсь тазалыксэс юнматонъя 13 ужъюрт усьтэмын. Соос пӧлын 8 элькун нылпи санаторий но ар ӵоже ужась 5 лагерь. Пиналъёс отын 21-сен 24 нуналозь шутэтско, тазалыксэс эскерыны, пӧртэм процедураосы ветлыны быгато. Анай-атайтэк кылем, сӧсыр пиналъёслы но ёрмыса улӥсь семьяосысь нылпиослы дунтэк путёвкаос чакламын.
Ужало гужем лагерьёс. Туннэ лэчыт ужпум кылдэмын отчы ужасьёсты шедьтон ласянь. Эмчиос гужем лагерьёсы туж ик мыло-кыдо уг мыно. Угось, со понна соос асьсэлэсь отпуск нуналъёссэс кутоно луо. Соослы медосмотр ортчытон понна, лагерьёслэн администрациоосы асьсэос коньдон утчано луо.
Та выллем шуг-секытъёсын пумисько школаос бордын лагерьёсты радъяку но. 2019-тӥ арын Удмуртиын 550 школаос бордын лагерьёс усьтыны чакламын. Отын ӵемысьгес школаосысь ик ӧнерчиос ужало ке но, гужем шутэтскон вакытлы соос выльысен эмэскерон пыр потоно луо. Валантэмъёс кылдыло штатной расписаниосын – соос школалэн таӵе куронъёсыныз уг тупало, нош эмчилэн должностез со расписание пыртэмын ик ӧвӧл.
«Нош со дыре эмчиослы пиналъёслы чаклам шутэтскон но тазалыкез юнматон интыосын туж бадӟым уж оскемын, - пусйиз Роспотребнадзорлэн управлениысьтыз ёзэтлэн кивалтӥсез Владимир Дмитриев. - Висьыны кутскем муртъёслы юрттэт сётэм сяна, эмчиос черъёсты алон ужез нуыны, сиёнлэсь ӟечлыксэ эскерыны, санитар куронъёслэсь быдэсъяськемзэс чакланы кулэ. Пиналлэн сояз яке таяз лагерьын улэмезлэн огъя пайдалыкез понна но кылкутэ эмчи».
Вань та юанъёсъя кенешонэ пыриськисьёс асьсэлэсь дэмланъёссэс веразы. Соос кенешонлэн резолюцияз пыртэмын но Кун Думае келямын луозы.
Нылпиослэсь тазалыксэс юнматон понна кылдытэм луонлыкъёсты эскерон али Россиысь вань улосъёсын мынэ. Кызьы вераз Надежда Михайлова, та эскеронъёслэн йылпумъянъёссыя югдурез умойгес карон понна ӵектонъёс дасямын луыны кулэ. Соосты Кун Думае келялозы.
«Шаерамы та удысын ваньмыз ик вольыт шуыны уг луы, - пусйиз депутат. - Вал ини лагерьёсын шутэтскись пиналъёслэн тросэн черлан учыръёссы. Соин ик та кенешонын нылпиосты кышкытлыкъёслэсь утён сярысь но вераськыны кулэ».
Тазалыкез утёнъя министерстволэн ивортэмезъя, туэ шаерамы нылпиослэсь тазалыксэс юнматонъя 13 ужъюрт усьтэмын. Соос пӧлын 8 элькун нылпи санаторий но ар ӵоже ужась 5 лагерь. Пиналъёс отын 21-сен 24 нуналозь шутэтско, тазалыксэс эскерыны, пӧртэм процедураосы ветлыны быгато. Анай-атайтэк кылем, сӧсыр пиналъёслы но ёрмыса улӥсь семьяосысь нылпиослы дунтэк путёвкаос чакламын.
Ужало гужем лагерьёс. Туннэ лэчыт ужпум кылдэмын отчы ужасьёсты шедьтон ласянь. Эмчиос гужем лагерьёсы туж ик мыло-кыдо уг мыно. Угось, со понна соос асьсэлэсь отпуск нуналъёссэс кутоно луо. Соослы медосмотр ортчытон понна, лагерьёслэн администрациоосы асьсэос коньдон утчано луо.
Та выллем шуг-секытъёсын пумисько школаос бордын лагерьёсты радъяку но. 2019-тӥ арын Удмуртиын 550 школаос бордын лагерьёс усьтыны чакламын. Отын ӵемысьгес школаосысь ик ӧнерчиос ужало ке но, гужем шутэтскон вакытлы соос выльысен эмэскерон пыр потоно луо. Валантэмъёс кылдыло штатной расписаниосын – соос школалэн таӵе куронъёсыныз уг тупало, нош эмчилэн должностез со расписание пыртэмын ик ӧвӧл.
«Нош со дыре эмчиослы пиналъёслы чаклам шутэтскон но тазалыкез юнматон интыосын туж бадӟым уж оскемын, - пусйиз Роспотребнадзорлэн управлениысьтыз ёзэтлэн кивалтӥсез Владимир Дмитриев. - Висьыны кутскем муртъёслы юрттэт сётэм сяна, эмчиос черъёсты алон ужез нуыны, сиёнлэсь ӟечлыксэ эскерыны, санитар куронъёслэсь быдэсъяськемзэс чакланы кулэ. Пиналлэн сояз яке таяз лагерьын улэмезлэн огъя пайдалыкез понна но кылкутэ эмчи».
Вань та юанъёсъя кенешонэ пыриськисьёс асьсэлэсь дэмланъёссэс веразы. Соос кенешонлэн резолюцияз пыртэмын но Кун Думае келямын луозы.