Кун Кенеш «Вормон диктант» огъя росси акциез ортчытон одӥгез инты луоз

7-тӥ куартолэзе 2019-тӥ арын Россиын но мукет кунъёсын нырысьсэ ортчытэмын луоз Быдӟым Атыкай Ожлэн историезлы сӥзем огъя диктант. Солэн валтӥсь ужпумез - Быдӟым Атыкай Ожлэн историезлы саклык висъян, егитъёслэсь тодон-валанзэс будэтон, пиналъёслы атыкай музъемез гажан мылкыд пыӵатон.
Удмуртиын акция 8 интыосын ортчоз. Одӥгез со – Кун Кенешлэн юртэз.
Диктантлэн 20 юанъёсыз. Соослы валэктон сётоно 45 минут ӵоже. Акцие пыриськыны быгатэ котькуд мылкыд карись адями.
Кун Кенешын сяна, диктантэз гожтыны луоз таӵе интыосын:
- Ижкарлэн Администрациез (Пушкинской ур., 276)
- Калыкъёслэн Эшъяськон Юртсы (Орджоникидзе ур., 33а)
- В.А. Журавлёв нимо лыдӟиськонни (Ломоносов ур., 4б)
- Удмуртпотребсоюзлэн экономикая, управления но правоя Ижкар техникумез (Молодежной ур., 109)
- 85 номеро шор ёзо школа (Драгунов пр., 74)
- Нылпи творчествоя Дворец (Киров ур, 17)
- Дышетонэз азинтонъя Институт (Ухтомский ур., 25).
Ужрадлэн кутсконэз 14 часын.
Диктантэз диктантпобеды.рф сайтын онлайн-режимен но гожтыны луоз. Пусъём на – Элькунмы кӧня ке ар ӵоже ини партиотизмъя акциосы, тодон-валанэз будэтонъя ӵектосъёсы пыриське. Удмуртиын со ужрадъёсты ортчытонэ пыриське егитъёслэн Кун Кенеш бордын ужась парламентсы но. 26-тӥ оштолэзе егит парламентарийёс мукет улосъёсысь эшъёсынызы ӵош «Тест по истории Отечества» калыккуспо акция радъязы.
Чакламъёсъя, онлайн тестированиез быдэс Россиысь но мукет кунъёсысь 423 051 адями ортчиз.
Удмуртиын ужрад 146 интыосын радъяськиз. Отчы 3 209 адями вуылӥз. Мылкыд карисьёс тестированиез онлайн-площадкаосын ортчыны быгатӥзы.
Ужрадлэн йылпумъянъёсыз матысь дыре акцилэн КДГР.РФ нимлыко сайтаз интыямын луозы.