Пуэн вырись пунктъёслэсь ужзэс радъян сярысь катӵектос бордын ужась группалэн кенешонэз ортчиз
30.04.2019
Кун Кенешысь агропром огъетъя но инкуазь узырлыкъёсты уже кутонъя ялан ужась ӧрилэн тӧроез Владимир Варламов пуэн вырись пунктъёслэсь ужзэс радъян сярысь катӵектос бордын ужась группалэсь кенешонзэ ортчытӥз.
Катӵектосэз дасяз Элькун Кивалтэт. Кун Кенеше со та арлэн кутсконаз вуиз ини. Со дырысен парламентын ужкагазэз эскеронъя кӧня ке пумиськонъёс ортчизы, кылдытэмын вал нимысьтыз ужась группа. Кызьы пусъё катӵектосэз кылдытӥсьёс, со пуэз лушкем дасянэз алыны но нюлэсэз утьыны юрттоз. Со понна нюлэсэн ужась ваньзэ пунктъёсты, пичи лесопилкаосты пусйыны но учётэ пуктыны ӵекто.
Элькунысь инкуазь узырлыкъёсъя но сое утёнъя министрлэн Денис Удаловлэн верамезъя, катӵектосэз дасяны кулэлык кылдӥз нюлэсэз лушкем коран учыръёс йылэмен. 2018-тӥ арын 7 сюрс кык сю пала эскерон радъямын вал. Шараямын катэз тӥян сюрс 700-лэсь ятыр учыр. Арлы быдэ таӵе учыръёс тросгес луо, пусйиз Денис Удалов. Туэ 3 толэзь ӵоже гинэ нюлэсэз лушкан 21 учыр шараямын. Кылем арлэн та вакытэныз ӵошатыса, со 2 поллы тросгес. Лушкем корам пу ӵапак пичи леоспилкаосы но пилорамаосы вуэ. Али шаерамы 1100-лэсь уно сыӵе огъет ужа. 2008-тӥ арысен соослэн лыдзы ог 200-лы будиз.
«Удысын радлык кулэ, - шуиз Владимир Варламов. - Но катэз кутэмлэсь азьвыл сое быдэсъянэз но чаклано. Нюлэсэз лушкем коран уноез учыръёс туннэ пото эскерон ёзъёслэн алама ужамзы яке адямиослэн куронъёсты тодымтэзы бордысь».
Катӵектос бордын ужась группалэн ёзчиосыз мукет улосъёсын ужась та выллем законъёсты пыр-поч эскеризы. Владимир Варламов нимысьтыз пусйиз Пермь шаерын ужась катэз. Соин тодматскыны ӵектӥз асьмелэсь катӵектос дасясьёсмес но. Катын озьы ик пыр-поч гожъямын луыны кулэ кун тӧрлык ёзъёслэн вань ужоскетъёссы, ужбергатӥсьёслэн эрикрадъёссы но кылкутонзы, лесопилкаосты пусъён но учётэ пуктон огъя радлык.
Матысь нуналъёсы ужась группалэн нош ик кенешонэз ортчоз.
Катӵектосэз дасяз Элькун Кивалтэт. Кун Кенеше со та арлэн кутсконаз вуиз ини. Со дырысен парламентын ужкагазэз эскеронъя кӧня ке пумиськонъёс ортчизы, кылдытэмын вал нимысьтыз ужась группа. Кызьы пусъё катӵектосэз кылдытӥсьёс, со пуэз лушкем дасянэз алыны но нюлэсэз утьыны юрттоз. Со понна нюлэсэн ужась ваньзэ пунктъёсты, пичи лесопилкаосты пусйыны но учётэ пуктыны ӵекто.
Элькунысь инкуазь узырлыкъёсъя но сое утёнъя министрлэн Денис Удаловлэн верамезъя, катӵектосэз дасяны кулэлык кылдӥз нюлэсэз лушкем коран учыръёс йылэмен. 2018-тӥ арын 7 сюрс кык сю пала эскерон радъямын вал. Шараямын катэз тӥян сюрс 700-лэсь ятыр учыр. Арлы быдэ таӵе учыръёс тросгес луо, пусйиз Денис Удалов. Туэ 3 толэзь ӵоже гинэ нюлэсэз лушкан 21 учыр шараямын. Кылем арлэн та вакытэныз ӵошатыса, со 2 поллы тросгес. Лушкем корам пу ӵапак пичи леоспилкаосы но пилорамаосы вуэ. Али шаерамы 1100-лэсь уно сыӵе огъет ужа. 2008-тӥ арысен соослэн лыдзы ог 200-лы будиз.
«Удысын радлык кулэ, - шуиз Владимир Варламов. - Но катэз кутэмлэсь азьвыл сое быдэсъянэз но чаклано. Нюлэсэз лушкем коран уноез учыръёс туннэ пото эскерон ёзъёслэн алама ужамзы яке адямиослэн куронъёсты тодымтэзы бордысь».
Катӵектос бордын ужась группалэн ёзчиосыз мукет улосъёсын ужась та выллем законъёсты пыр-поч эскеризы. Владимир Варламов нимысьтыз пусйиз Пермь шаерын ужась катэз. Соин тодматскыны ӵектӥз асьмелэсь катӵектос дасясьёсмес но. Катын озьы ик пыр-поч гожъямын луыны кулэ кун тӧрлык ёзъёслэн вань ужоскетъёссы, ужбергатӥсьёслэн эрикрадъёссы но кылкутонзы, лесопилкаосты пусъён но учётэ пуктон огъя радлык.
Матысь нуналъёсы ужась группалэн нош ик кенешонэз ортчоз.