Версия для слабовидящих
Алексей Прасолов Анатолий Мамонтовлэн ӵыжы-выжыосызлы куректэмзэ вераз

Алексей Прасолов Анатолий Мамонтовлэн ӵыжы-выжыосызлы куректэмзэ вераз

23.04.2019
Алексей Прасолов Анатолий Мамонтовлэн ӵыжы-выжыосызлы куректэмзэ вераз
Удмурт Элькунлэн Кун Кенешезлэн Тӧроез Алексей Прасолов мур куректэмзэ вераз Удмурт Элькунысь кырӟанъя но эктонъя «Италмас» академи Кун ансамбльлэн азьвыл кивалтӥсезлэн Анатолий Васильевичлэн Мамонтовлэн ӵыжы-выжыосызлы.
РСФСР-ысь искусствоосъя дано ужась, РСФСР-ысь но Удмурт Элькунысь калык артист, Ужъя Горд Знамя орденлэн кавалерез, Удмуртилэн Дано кунмуртэз 83 аресаз мыныкуз улонысь кошкиз.
«Улонысь кошкиз паймымон, вылӥ быгатонлыко адями, искусство удысысь дано ужась Анатолий Васильевич Мамонтов.
Со удмурт культуралэсь дунлыксэ зэмос утись вал. Вордскем шаерезлы яратонзэ Анатолий Васильевич вань улонэз пыр нуиз, калык узырлыкез кырӟанъя но эктонъя «Италмас» академи Кун ансамбльлэн творчествояз пыртӥз.
Анатолий Васильевичлэн быгатонлыкезлы луыса, Россиын но кунгож сьӧрын Удмуртиез аспӧртэмлыко узыр культуралэн центрез но шуыса тодӥзы.
Анатолий Васильевич егитъёслы адӟем карымон адями но дышетӥсь вал, со возьматӥз, кызьы яратоно ужез, гажано вордӥськем шаердэ но кундэ.
Анатолий Васильевич Мамонтов котьку улоз милям сюлэмъёсамы», - шуэмын Мамонтовлэн ӵыжы-выжыосызлы лэзем телеграммаын.
Анатолий Васильевич Мамонтовен люкиськон ортчоз 25-тӥ оштолэзе 10 часын ӵукна драмая Кун ӟуч театрлэн фойеяз. (Ижкар, М. Горький ур., 71 юрт).
Вӧсян ортчоз 12 часын Ижкарысь Александро-Невский соборын. Анатолий Васильевичез ватозы Лымшор шайвылэ.





Возврат к списку