Версия для слабовидящих
«Удмурт Кенеш» ассоциацилэн азьветлӥсьёсыз Удмуртилэн кунлык басьтэм дырысеныз 100 ар тырмонэз пусъён сярысь вераськизы

«Удмурт Кенеш» ассоциацилэн азьветлӥсьёсыз Удмуртилэн кунлык басьтэм дырысеныз 100 ар тырмонэз пусъён сярысь вераськизы

18.04.2019
«Удмурт Кенеш» ассоциацилэн азьветлӥсьёсыз Удмуртилэн кунлык басьтэм дырысеныз 100 ар тырмонэз пусъён сярысь вераськизы
Туннэ Кун Кенешын «Удмурт кенеш» ассоциацилэн Пичи кенешез люкаськылӥз. Огазеяськонлэн Тӧроезлэн Татьяна Ишматовалэн кивалтэмез улсын ассоциацилэн азьветлӥсьёсыз Удмуртилэн кунлык басьтэм дырысеныз 100 ар тырмонэз пусъён сярысь вераськизы.
Кенешонэ пыриськизы Кун Кенешлэн Тӧроез Алексей Прасолов, Элькун Тӧролэн но Кивалтэтлэн Администрацизылэн кивалтӥсез Сергей Смирнов, Удмурт Элькунысь валтӥсь федерал инспектор Сергей Панов, культурая министр Владимир Соловьёв.
Юбилеез пусъёнэн герӟаськем ужрадъёс сярысь ивортӥз йӧскалык политикая элькун министерствоысь ёзэтэн кивалтӥсь Елизавета Ложкина. Солэн верамезъя, азьланьтӥське медиа-план кылдытон. котькуд выль малпан, ӵектон санэ басьтӥське. Туннэ тодмо ини - юбилейлы сӥзем арез усьтон сӥё-дано ужрад ортчоз туэ 4-тӥ шуркынмонэ Глазкарысь йӧ дворецын. Со театрализованной возьматон амалэн ортчоз. Ужрадэ Россиын улӥсь вань удмуртъёсты ӧтьыны чакламын.
Юбилеез пусъён улсын чаклам мукетыз ужрад – Ижкарын удмурт лулчеберетъя центр кылдытон. Лулчеберетъя элькун министр Владимир Соловьев пусйиз, центрез пуктыны уксё луоз шуыса. Солы оскон сётэ культурая Росси министрен та пумысен ортчем вераськон. Ужъёслы ог 400 миллион манет кулэ. «Оло, лэсьтӥськон 2021-тӥ арлы но выжоз, угось, со герӟаськемын федерал бюджетэн, - шуиз Владимир Соловьёв. – Но али тодмо ини - ӟуч театр интые выль юрт ӝутоно луоз. Отын «Айкай» театр ужалоз, самодеятельной коллективъес интыяськозы».
Пичи кенешлэн ёзчиосыз озьы ик мукет лэчыт ужпумъёсты эскеризы, Ашальчи Оки нимо премилэсь выль лауреатъёссэ данъязы.

Возврат к списку