Кун Кенешлэн Президиумез тазалыкез утён удысэ «шырыт» амалъёсты пыртон ужпумъёсты эскериз
19.04.2019
Туннэ Алексей Прасолов Кун Кенешлэн Президиумезлэсь кенешонзэ ортчытӥз. Депутатъёс Ижкарысь 2 номеро поликлиникае потыса ужазы. Вераськон мынӥз тазалыкез утён удысэ «шырыт» технологиосты пыӵатон сярысь. 2-тӥ кар эмъяськонни 2017-тӥ арысен ини пыриське «Бережливая поликлиника» федерал ӵектосэ.
Кызьы вераз поликлиникалэн валтӥсь эмчиез Нина Капачинская, туннэ эмъяськонни борды Ижкарын улӥсь 25-28 сюрс адями юнматэмын. Нуналаз отчы 570 пала висисьёс ветло. Эмчиос но эмтӥрлык тырмыт, соин ик адямиез юрт пушкысь потатэк одӥг нунал ӵоже котыр ласянь эскерыны луэ.
«Шырыт поликлиника» ӵектос улсын воштӥськиз регистратуралэн ужез – табере со висисьёслэсь укноос сьӧры уг ватӥськы ини, кылдӥз электрон черод, борддоръёс вылэ кытчы но кызьы гожтӥськыны валэктӥсь стендъёс интыямын. Врач доры сюрон дырез вакчиятон понна, висисьёсты пӧртэм эмчиосъя люкылыны луэ.
Кык ар ӵоже ортчем воштӥськонъёслы 90 процентэз пациентъёс но 97 процентэз эмчиос умой дунъет сётӥзы. Валтӥсь врачлэн верамезъя, азьланяз электрон юрттӥськетъёсты эшшо паськытатозы. Соку сюбег удысъёсъя ужась эмчиос доры терапевтлэн кабинетысеныз ик гожтӥськыны луоз. Али 2-тӥ поликлиникае выль ужан амалъёсын тодматскон понна вуыло мукет эмъяськонниосысь но ӧнерчиос.
Кызьы ивортӥз Элькунысь тазалыкез утёнъя министр Игорь Титов, «Шырыт поликлиника» федерал ӵектосэ Удмурт Элькун 2017-тӥ арын пыриз. Соку врач доры гожтӥськон, эмъюрттэт басьтонэз капчиятон выль амалъёсты эскерыны кутскизы Ижкарысь 2-тӥ поликлиникаын но 7-тӥ нылпи эмъяськонниын. Али федерал ӵектосэ 60 поликлиникаос пырисько. Кылем арын ортчытэм эскеронъёсъя, адямиослэн отысь регистратураосы черодын сылон дырзы 3 поллы кулэсмиз, врач доры пырон дырез куинь но ӝыны поллы ӧжытгес возьмано луиз. Нош эмчилэн висисен ужан дырыз кык поллы йылӥз. Туэ шаерысьтымы эшшо 54-ез поликлиника «шырыт» технологиос вылэ выжоз. Нош 2021-тӥ арозь соос борды итӥськыны кулэ ваньмыз эмъяськонниос.
Кун Кенешысь депутатъёс пусйизы – «шырыт» технологиос ужало. «Висисьлэн врач доры нырысь вазиськон ёзэз – тазалыкез утён огъя удыслэн инъетэз. Ӵапак со бордысь потэ калыклэсь улон арлыдзэ йылэтон, пыктос но сюлэм висёнъёслэсь кулон учыръёсты кулэстон ужрадъёслэн пайдалыксы. Соин ик кар но, гурт но эмъяськонниос пайдалыко амалъёсты уже кутыны кулэ, - шуиз Кун Кенешлэн Тӧроезлэн воштӥсез, тазалыкез утён, семья но демографи политикая ялан ужась комиссилэн кивалтӥсез Надежда Михайлова.
Кызьы вераз поликлиникалэн валтӥсь эмчиез Нина Капачинская, туннэ эмъяськонни борды Ижкарын улӥсь 25-28 сюрс адями юнматэмын. Нуналаз отчы 570 пала висисьёс ветло. Эмчиос но эмтӥрлык тырмыт, соин ик адямиез юрт пушкысь потатэк одӥг нунал ӵоже котыр ласянь эскерыны луэ.
«Шырыт поликлиника» ӵектос улсын воштӥськиз регистратуралэн ужез – табере со висисьёслэсь укноос сьӧры уг ватӥськы ини, кылдӥз электрон черод, борддоръёс вылэ кытчы но кызьы гожтӥськыны валэктӥсь стендъёс интыямын. Врач доры сюрон дырез вакчиятон понна, висисьёсты пӧртэм эмчиосъя люкылыны луэ.
Кык ар ӵоже ортчем воштӥськонъёслы 90 процентэз пациентъёс но 97 процентэз эмчиос умой дунъет сётӥзы. Валтӥсь врачлэн верамезъя, азьланяз электрон юрттӥськетъёсты эшшо паськытатозы. Соку сюбег удысъёсъя ужась эмчиос доры терапевтлэн кабинетысеныз ик гожтӥськыны луоз. Али 2-тӥ поликлиникае выль ужан амалъёсын тодматскон понна вуыло мукет эмъяськонниосысь но ӧнерчиос.
Кызьы ивортӥз Элькунысь тазалыкез утёнъя министр Игорь Титов, «Шырыт поликлиника» федерал ӵектосэ Удмурт Элькун 2017-тӥ арын пыриз. Соку врач доры гожтӥськон, эмъюрттэт басьтонэз капчиятон выль амалъёсты эскерыны кутскизы Ижкарысь 2-тӥ поликлиникаын но 7-тӥ нылпи эмъяськонниын. Али федерал ӵектосэ 60 поликлиникаос пырисько. Кылем арын ортчытэм эскеронъёсъя, адямиослэн отысь регистратураосы черодын сылон дырзы 3 поллы кулэсмиз, врач доры пырон дырез куинь но ӝыны поллы ӧжытгес возьмано луиз. Нош эмчилэн висисен ужан дырыз кык поллы йылӥз. Туэ шаерысьтымы эшшо 54-ез поликлиника «шырыт» технологиос вылэ выжоз. Нош 2021-тӥ арозь соос борды итӥськыны кулэ ваньмыз эмъяськонниос.
Кун Кенешысь депутатъёс пусйизы – «шырыт» технологиос ужало. «Висисьлэн врач доры нырысь вазиськон ёзэз – тазалыкез утён огъя удыслэн инъетэз. Ӵапак со бордысь потэ калыклэсь улон арлыдзэ йылэтон, пыктос но сюлэм висёнъёслэсь кулон учыръёсты кулэстон ужрадъёслэн пайдалыксы. Соин ик кар но, гурт но эмъяськонниос пайдалыко амалъёсты уже кутыны кулэ, - шуиз Кун Кенешлэн Тӧроезлэн воштӥсез, тазалыкез утён, семья но демографи политикая ялан ужась комиссилэн кивалтӥсез Надежда Михайлова.