«Земский учитель» программае ӵектонъёсты дасян мынэ
16.04.2019
«Дышетон» йӧскалык проектэз быдэсъян, солэн программаосаз пыриськыны луонлыкъёс сярысь вераськон мынӥз туннэ Кун Кенешын. Ужпумъя ёрос но кар кенешъёсысь дышетонъя комиссиосы пырись депутатъёс понна семинар-кенешон радъямын вал. Сое нуиз Элькун парламентысь наукая, дышетонъя, культурая, спортъя, егитъёсын ужан но йӧскалык политикая комиссилэн тӧроез Татьяна Ишматова. Кенешонлэн ужаз пыриськизы Кун Кенешлэн Тӧроез Алексей Прасолов, Элькун Кивалтэтлэн Тӧроезлэн воштӥсез Анатолий Строков, Кун Кенешысь ялан ужась ӧриослэн кивалтӥсьёссы.
Кенешонын нимысьтыз саклык висъяськиз «Земский учитель» федерал программалы. Со вуоно арысен быдэсъяськыны кутскоз. Отчыозь депутатъёс программае пыртыны асьсэлэсь ӵектонъёссэс дасяны кулэ. «Асьмеос ужам ини «Земский доктор» программая. Соин ик тодӥськом, мае лыдэ басьтоно, программа уката но пайдаё мед луоз шуыса», - пусйиз Татьяна Ишматова.
Программае пыртыны кӧня ке ӵектонъёс вуизы ини. Кылсярысь, коньдон басьтэм муртлэсь гуртын одно ик ужан дырзэ йылэтон. Кызьы возьматэ эмчиосын герӟаськем программа, 5 ар ужаса, миллион басьтэм уноез ӧнерчиос берен каръёсы кошко. «Уксёез ужаны лыктэм гуртын гинэ улон инты басьтыны курон пуктоно ке, юан кылдэ – вань-а со гуртын басьтыны луымон улон интыосын фонд?» - сюлмаськемзэ вераз депутат.
Интыосысь депутатъёслэсь куд-ог ӵектонъёссэс шараяз Игра ёросысь депутат кенешлэн тӧроез Александр Поздеев. «Проектэ 35 ареслэсь бадӟым муртъёс но пыриськыны мед быгатысалзы, - шуиз со. – Со сяна, небӟытоно дышетскемъя куронъёсты. Вылӥ тодон-валанэн сяна, туннэ гуртъёсы шоръёзо ӧнерен но дышетӥсьёс кулэ».
Кенешонын мукет ӵектонъёс но чузъяськизы. Кылсярысь, дышетӥсьёслэсь пиналъёссэс нылпи садъёсы черодтэк интыян, мукет гуртъёсы ужаны ветлӥсь дышетӥсьёслы автомобильёс висъян, улон инты лэсьтыны музъем но субсидиос сётон но мукет.
Кызьы вераз Татьяна Ишматова, наукая, дышетонъя, культурая, спортъя, егитъёсын ужан но йӧскалык политикая комиссия котькуд ӵектонэз рос-прос эскероз. Азьланяз соос Росси Кун Думае но Федераци Кенеше лэземын луозы.
Кенешонын нимысьтыз саклык висъяськиз «Земский учитель» федерал программалы. Со вуоно арысен быдэсъяськыны кутскоз. Отчыозь депутатъёс программае пыртыны асьсэлэсь ӵектонъёссэс дасяны кулэ. «Асьмеос ужам ини «Земский доктор» программая. Соин ик тодӥськом, мае лыдэ басьтоно, программа уката но пайдаё мед луоз шуыса», - пусйиз Татьяна Ишматова.
Программае пыртыны кӧня ке ӵектонъёс вуизы ини. Кылсярысь, коньдон басьтэм муртлэсь гуртын одно ик ужан дырзэ йылэтон. Кызьы возьматэ эмчиосын герӟаськем программа, 5 ар ужаса, миллион басьтэм уноез ӧнерчиос берен каръёсы кошко. «Уксёез ужаны лыктэм гуртын гинэ улон инты басьтыны курон пуктоно ке, юан кылдэ – вань-а со гуртын басьтыны луымон улон интыосын фонд?» - сюлмаськемзэ вераз депутат.
Интыосысь депутатъёслэсь куд-ог ӵектонъёссэс шараяз Игра ёросысь депутат кенешлэн тӧроез Александр Поздеев. «Проектэ 35 ареслэсь бадӟым муртъёс но пыриськыны мед быгатысалзы, - шуиз со. – Со сяна, небӟытоно дышетскемъя куронъёсты. Вылӥ тодон-валанэн сяна, туннэ гуртъёсы шоръёзо ӧнерен но дышетӥсьёс кулэ».
Кенешонын мукет ӵектонъёс но чузъяськизы. Кылсярысь, дышетӥсьёслэсь пиналъёссэс нылпи садъёсы черодтэк интыян, мукет гуртъёсы ужаны ветлӥсь дышетӥсьёслы автомобильёс висъян, улон инты лэсьтыны музъем но субсидиос сётон но мукет.
Кызьы вераз Татьяна Ишматова, наукая, дышетонъя, культурая, спортъя, егитъёсын ужан но йӧскалык политикая комиссия котькуд ӵектонэз рос-прос эскероз. Азьланяз соос Росси Кун Думае но Федераци Кенеше лэземын луозы.