Нимаз интыосын ортчылӥсь ожъёсысь ветеранъёслы юрттон ужпумъёсты эскеризы
12.04.2019
Туннэ кышкыттэмлыкъя, Регламентъя но Кун Кенешлэсь ужзэ радъянъя ялан ужась ӧрилэн тӧроез Елена Дербилова нимаз интыосын ортчылӥсь ожъёсы пыриськемъёслы юрттон ужпумъёслы сӥзем кенешон ортчытӥз.
Вераськонэ пыриськизы Кун Кенешлэн Тӧроезлэн воштӥсез, тазалыкез утёнъя, демографи но семья политикая ялан ужась ӧрилэн тӧроез Надежда Михайлова, бюджетъя но вытъёсъя ӧрилэн тӧроез Юрий Тюрин, ужъя, мерлыко политикая но ветеранъёслэн ужъёссыя ӧрилэн тӧроез Алексей Чернов, элькун министерствоосын но ведомствоосын ужасьёс, мерлыко огазеяськонъёслэн но егитъёслэн парламентсылэн ёзчиосыз.
Туннэ Элькунамы пӧртэм ожмаськонъёсы пыриськылэмъёслы улон инты басьтыны юрттэт чакламын. 2018 арысен та категория нимысьтыз черодэ поттэмын. Отын али 186 ветеран сылэ. Туэ 31 адями улон инты басьтыны кулэ. Юрттон амалъёс пӧлын озьы ик – эмъюрттэтъя капчиятонъёс, толэзьлы быдэ чаклам мерлыко тыронъёс но жилищно-коммунальной юрттӥськетъёс понна компенсация.
Пумиськонын юрттэтэз сётон амалъёсты умоятонъя ӵектонъёс чузъяськизы. Кылсярысь, санаторийёсын йӧнатӥськонэз радъян, ипотекалы но протезъёс лэсьтыны капчиятонъёс кылдытон, ветеранъёслы чаклам госпитальын оже пыриськемъёслэн семьяоссылы квотаосты паськытатон.
Со сяна, нимысьтыз саклык висъяськиз таӵе ожъёсы пыриськем ветеранъёслы сӥзем синпелетъёсты возён ужпумъёслы. Ёросъёсысь но каръёсысь таӵе интыосты эскероно но пусйылоно, куризы люкаськемъёс. Озьы ик ужано егитъёсын. Туннэ уноез уг тодо ини, кыӵе но кытысь ожъёсы пыриськылӥзы улосчиосмы.
Вань чузъяськем куронъёсты Елена Дербилова Кун Кенешысь кышкыттэмлыкъя но Регламентъя комиссие келяны ӵектӥз. Азьланяз та ужпумъёсъя котрес ӝӧк сьӧрын вераськон радъяны чакламын.
Вераськонэ пыриськизы Кун Кенешлэн Тӧроезлэн воштӥсез, тазалыкез утёнъя, демографи но семья политикая ялан ужась ӧрилэн тӧроез Надежда Михайлова, бюджетъя но вытъёсъя ӧрилэн тӧроез Юрий Тюрин, ужъя, мерлыко политикая но ветеранъёслэн ужъёссыя ӧрилэн тӧроез Алексей Чернов, элькун министерствоосын но ведомствоосын ужасьёс, мерлыко огазеяськонъёслэн но егитъёслэн парламентсылэн ёзчиосыз.
Туннэ Элькунамы пӧртэм ожмаськонъёсы пыриськылэмъёслы улон инты басьтыны юрттэт чакламын. 2018 арысен та категория нимысьтыз черодэ поттэмын. Отын али 186 ветеран сылэ. Туэ 31 адями улон инты басьтыны кулэ. Юрттон амалъёс пӧлын озьы ик – эмъюрттэтъя капчиятонъёс, толэзьлы быдэ чаклам мерлыко тыронъёс но жилищно-коммунальной юрттӥськетъёс понна компенсация.
Пумиськонын юрттэтэз сётон амалъёсты умоятонъя ӵектонъёс чузъяськизы. Кылсярысь, санаторийёсын йӧнатӥськонэз радъян, ипотекалы но протезъёс лэсьтыны капчиятонъёс кылдытон, ветеранъёслы чаклам госпитальын оже пыриськемъёслэн семьяоссылы квотаосты паськытатон.
Со сяна, нимысьтыз саклык висъяськиз таӵе ожъёсы пыриськем ветеранъёслы сӥзем синпелетъёсты возён ужпумъёслы. Ёросъёсысь но каръёсысь таӵе интыосты эскероно но пусйылоно, куризы люкаськемъёс. Озьы ик ужано егитъёсын. Туннэ уноез уг тодо ини, кыӵе но кытысь ожъёсы пыриськылӥзы улосчиосмы.
Вань чузъяськем куронъёсты Елена Дербилова Кун Кенешысь кышкыттэмлыкъя но Регламентъя комиссие келяны ӵектӥз. Азьланяз та ужпумъёсъя котрес ӝӧк сьӧрын вераськон радъяны чакламын.