Кызьлэсь ятыр ужпумъёс эскеремын Кун Кенешлэн 13-тӥ сессияз
26.03.2019
Туннэ Кун Кенешлэн 13-тӥ сессиез ортчиз. Депутатъёс 20-лэсь ятыр ужпумъёсты сэрттӥзы-пертчизы, 2 инъет луись (базовой) катъёслэсь ӵектосъёссэс эскеризы.
Кун Кенешлэн Тӧроез Алексей Прасолов элькун парламентлэн кылем арын ужамез сярысь доклад лэсьтӥз. Та дыр ӵоже депутатъёс 96 выль кат кутӥзы, Кун Думае кат кутонъя 7 кичӧлтон лэзизы, 1067 федерал законъёслэн ӵектосъёссылы дунъет сётӥзы. Ваньмыз соос герӟаськемын калыклэсь улон ӟечлыксэ ӝутонэн, пусйиз спикер.
4 миллиард манетлэсь ятырлы йылэтэмын Элькунлэн туэлы бюджетэз. Ваньмыз уксё кулэяськись удысъёс вискын люкылэмын. Воштонъёсты лыдэ басьтыса, элькун бюджетлэн та арлы табыш люкетэз 77 миллиард манетлэсь ортчиз, висъян люкетэз 77 но ӝыны миллиардозь вуиз.
Кутэмын муш вордон удысэз азинтонъя закон. Туннэ та выллем законъёс Россиысь 38 улосъёсын ужало ини. Ӵапак отын ик муш вордон удыс умой азинтӥське, трос чечы поттэм сяна, со музъем ужлэсь пайдалыксэ но ӝутыны юрттэ. Удмуртиын та дыре ог 60 сюрс муш семья лыдъяське. Со ог 6 поллы ӧжытгес Башкортостанын, 3 но ӝыны поллы – Татарстанын сярысь. Кат огласянь удыслы паськытаны, мукет ласянь – адямиосты мушъёслэсь утьыны луонлыкъёс кылдытоз.
Чурытатэмын тамак кысконъя куронъёс. Куд-ог каттӥянъёс понна кылкутон сярысь катэ пыртэм воштонъёсъя, табере ӵындыны уг яра ини кун тӧрлык но интыосысь аскивалтон ёзъёслэн, вузкарон, калыкез сюдон, бытовой юрттӥськет сётон юртъёсы пыронлэсь 5 метрлы матын. Кыскыны лэземын ӧвӧл калыкез нуись-ваись транспорт дугдылонниосын но соослэсь 5 метрлы матын, калыко ужрадъёсты ортчытон интыосын. Куронъёсты нырысетӥзэ тӥям понна сюрс манет, выльысен сюремъёслы - 2 сюрс манет штраф чакламын.
Туннэ депутатъёс озьы ик кылзӥзы кунпуш ужпумъёсъя министерстволэн, эскерись Кун комитетлэн, адямилэн эрикрадъёсызъя уполномоченнойлэн кылем арын ужамзы сярысь ивортонъёсты.
Кун Кенешлэн Тӧроез Алексей Прасолов элькун парламентлэн кылем арын ужамез сярысь доклад лэсьтӥз. Та дыр ӵоже депутатъёс 96 выль кат кутӥзы, Кун Думае кат кутонъя 7 кичӧлтон лэзизы, 1067 федерал законъёслэн ӵектосъёссылы дунъет сётӥзы. Ваньмыз соос герӟаськемын калыклэсь улон ӟечлыксэ ӝутонэн, пусйиз спикер.
4 миллиард манетлэсь ятырлы йылэтэмын Элькунлэн туэлы бюджетэз. Ваньмыз уксё кулэяськись удысъёс вискын люкылэмын. Воштонъёсты лыдэ басьтыса, элькун бюджетлэн та арлы табыш люкетэз 77 миллиард манетлэсь ортчиз, висъян люкетэз 77 но ӝыны миллиардозь вуиз.
Кутэмын муш вордон удысэз азинтонъя закон. Туннэ та выллем законъёс Россиысь 38 улосъёсын ужало ини. Ӵапак отын ик муш вордон удыс умой азинтӥське, трос чечы поттэм сяна, со музъем ужлэсь пайдалыксэ но ӝутыны юрттэ. Удмуртиын та дыре ог 60 сюрс муш семья лыдъяське. Со ог 6 поллы ӧжытгес Башкортостанын, 3 но ӝыны поллы – Татарстанын сярысь. Кат огласянь удыслы паськытаны, мукет ласянь – адямиосты мушъёслэсь утьыны луонлыкъёс кылдытоз.
Чурытатэмын тамак кысконъя куронъёс. Куд-ог каттӥянъёс понна кылкутон сярысь катэ пыртэм воштонъёсъя, табере ӵындыны уг яра ини кун тӧрлык но интыосысь аскивалтон ёзъёслэн, вузкарон, калыкез сюдон, бытовой юрттӥськет сётон юртъёсы пыронлэсь 5 метрлы матын. Кыскыны лэземын ӧвӧл калыкез нуись-ваись транспорт дугдылонниосын но соослэсь 5 метрлы матын, калыко ужрадъёсты ортчытон интыосын. Куронъёсты нырысетӥзэ тӥям понна сюрс манет, выльысен сюремъёслы - 2 сюрс манет штраф чакламын.
Туннэ депутатъёс озьы ик кылзӥзы кунпуш ужпумъёсъя министерстволэн, эскерись Кун комитетлэн, адямилэн эрикрадъёсызъя уполномоченнойлэн кылем арын ужамзы сярысь ивортонъёсты.