Версия для слабовидящих
Росси Азьмуртлэсь Посланизэ быдэсъянъя ужрадъёс пусъемын

Росси Азьмуртлэсь Посланизэ быдэсъянъя ужрадъёс пусъемын

14.03.2019
Росси Азьмуртлэсь Посланизэ быдэсъянъя ужрадъёс пусъемын
Туннэ Удмуртиысь Кун Кенешлэн Президиумез Росси Азьмуртлэсь Посланизэ быдэсъянъя ужрадъёсын план юнматӥз. Та дырлы солэн 19 ёзэтэз. Планэ 24 ужрад пыртэмын. Со – элькун парламентысь комиссиослэн чаклам ужъёссы. Матысь дыре ёросъёсын но но каръёсын улӥсьёсын пумиськонъёс чакламын. Отын выль ужрадъёс но ӵектэмын луыны быгатоз. Соин валче ужкагаз паськытаны быгатоз.
«Планэ пыртэмын 12 йӧскалык проектъёсъя чаклам ужрадъёс. Соос пӧлын вань выль катӵектосъёсты кутон, федерал катрадлыкез воштонъя кичӧлтонъёсты дасян, котрес ӝӧк сьӧрын кенешонъёс ортчытъян но мукет ужрадъёс», - вераз Кун Кенешлэн Тӧроезлэн нырысетӥ воштӥсез Владимир Невоструев. Гурт возёс али йӧскалык проектъёс пӧлын ӧвӧл, озьы ке но, калыклэн та ласянь ӵектонъёсыз луизы ке, соосты планэ ватсалом, оскытӥз депутат.
Вераны кулэ, Росси Азьмуртлэсь Посланизэ быдэсъянъя уж мытэмын ини. Кун Думаен нырысетӥ лыдӟемен юнматэмын пенсиосты прожиточной минимум дорозь вуттон сярысь катӵектос. Вазенгес федерал проектлы дурбасьтэмзэ вераз Удмуртиысь Кун Кенеш но. Со понна элькун парламентлэн азьвыл чакламтэ сессиез люкамын вал.

Возврат к списку