Кун Кенешын улосъёслэсь федерал катрадлыке пыртонъя ӵектонъёссэс азинтон сярысь вераськизы
12.03.2019
Туннэ Кун Кенешлэн Тӧроез Алексей Прасолов но элькун парламентлэн Президиумезлэн ёзчиосыз пумиськылӥзы Пенза улосвылысь Каткылдытъясь Собранилэн Тӧроеныз, Приволжск федерал округысь каткылдытъясь тӧрлык ёзъёслэн Ассоциацизылэн координатореныз Валерий Лидинэн, Федераци Кенешысь наукая, дышетонъя но культурая Комитетлэн тӧроезлэн воштӥсеныз Виктор Крессэн но Кун Думалэн депутатэныз, дышетонъя но наукая комитетлэн ёзчиеныз Алексей Загребинэн. Кенешонын эскерем валтӥсь ужпум - улосъёслэн федерал катрадлыке пыртонъя ӵектонъёсынызы ужан.
Кун Кенешлэн Тӧроез Алексей Прасолов пусйиз, улос парламентъёслэн та ласянь огкылысь кариськыса ужамзы - туж шонер но пайдалыко амал. Озьы кичӧлтонъёсты капчиенгес но ӝоггес улонэ пыӵатыны луонлык кылдэ. Удмуртиысь Кун Кенеш алигес Кун Думае лэзиз адямиосты нуллӥсьёслэсь ужзэс чакланэз кужмоятонъя ӵектонзэ. Кызьы валэктӥз кышкыттэмлыкъя, Регламентъя но Кун Кенешлэсь ужзэ радъянъя комиссилэн кивалтӥсез Елена Дербилова, Удмуртиысь депутатъёсты сюлмаськытэ адямиосты нуллыку кылдылӥсь кышкыт учыръёслэн йылэмзы. Ӵемысь автобус нимысьтыз заказъя ужась шуыса пусъемын луэ, нош ужа калыкез ялан нуллӥсь-ваись транспорт сямен. Озьы ке но, кышкыттэмлыкъя куронъёсты кулэезъя уг быдэсъя, мынӥсьёсты пуктон-васькытон интыосты уг чакла. Озьы ик таӵе транспортын уг быдэсъясько капчиятонъёс басьтыны быгатӥсь муртъёслэн эрикрадъёссы. 2016-тӥ арын эскеронъёс адямиосты нуллонъя куронъёсты тӥян 9 учырез шараязы, 2017-тӥын – 13. 2018-тӥ арын сыӵе учыръёслэн лыдзы 25-озь вуиз ини. Удмуртиысь Кун Кенеш ӵектэ таӵе учыръёс понна кылкутонэз чурытатыны. Воштонъёс федерал катрадлыке пыртэмын луизы ке, адямиосты сюресъёс вылын кышкыт учыръёслэсь утён кужмоялоз вань улосъёсын.
Пумиськонын озьы ик эскеремын егитъёсын ужанъя кун политика, интыосын аскивалтон сярысь катъёсты тупатонъя ӵектонъёс. Вераськон мынӥз дышетонъя катрадлыке дэмлам выльдонъёс сярысь но. Кун Кенешысь наукая, дышетонъя, культурая, егитъёсын ужан но йӧскалык политикая, спортъя ялан ужась комиссилэн тӧроез Татьяна Ишматова сюлмаськемзэ вераз кыкетӥ кунгож сьӧр кылэз дышетонъя стандартъёс пумысен. Та ужпум тужгес лэчыт гурт школаос понна. Отын али одӥгзэ но кылэз дышетыны дышетӥсьёс уг тырмо. Со сяна, кыкетӥ кунгож сьӧр кылэз программае пыртон ӵемысь отысь анай кылэз палэнтытэ. Та ласянь ӵектонъёссэс удмурт парламентарийёс сётӥзы Федераци Кенешысь наукая, дышетонъя но культурая Комитетлэн тӧроезлэн воштӥсезлы Виктор Кресслы. Ужпум матысь дыре Комитетлэн кенешоназ эскеремын луоз, оскытӥз со.
Пенза улослэн Каткылдытъясь Собраниезлэн Тӧроез Валерий Лидин пусйиз улосвыл парламентъёслэн валче ужамзылэсь кулэлыксэ. Со вылӥ дунъет сётӥз Приволжск федерал округысь каткылдытъясь тӧрлык ёзъёслэн Ассоциацизылэн 2018-тӥ арын сӥзьыл Ижкарын ортчем кенешонэзлы.
Кун Кенешлэн Тӧроез Алексей Прасолов пусйиз, улос парламентъёслэн та ласянь огкылысь кариськыса ужамзы - туж шонер но пайдалыко амал. Озьы кичӧлтонъёсты капчиенгес но ӝоггес улонэ пыӵатыны луонлык кылдэ. Удмуртиысь Кун Кенеш алигес Кун Думае лэзиз адямиосты нуллӥсьёслэсь ужзэс чакланэз кужмоятонъя ӵектонзэ. Кызьы валэктӥз кышкыттэмлыкъя, Регламентъя но Кун Кенешлэсь ужзэ радъянъя комиссилэн кивалтӥсез Елена Дербилова, Удмуртиысь депутатъёсты сюлмаськытэ адямиосты нуллыку кылдылӥсь кышкыт учыръёслэн йылэмзы. Ӵемысь автобус нимысьтыз заказъя ужась шуыса пусъемын луэ, нош ужа калыкез ялан нуллӥсь-ваись транспорт сямен. Озьы ке но, кышкыттэмлыкъя куронъёсты кулэезъя уг быдэсъя, мынӥсьёсты пуктон-васькытон интыосты уг чакла. Озьы ик таӵе транспортын уг быдэсъясько капчиятонъёс басьтыны быгатӥсь муртъёслэн эрикрадъёссы. 2016-тӥ арын эскеронъёс адямиосты нуллонъя куронъёсты тӥян 9 учырез шараязы, 2017-тӥын – 13. 2018-тӥ арын сыӵе учыръёслэн лыдзы 25-озь вуиз ини. Удмуртиысь Кун Кенеш ӵектэ таӵе учыръёс понна кылкутонэз чурытатыны. Воштонъёс федерал катрадлыке пыртэмын луизы ке, адямиосты сюресъёс вылын кышкыт учыръёслэсь утён кужмоялоз вань улосъёсын.
Пумиськонын озьы ик эскеремын егитъёсын ужанъя кун политика, интыосын аскивалтон сярысь катъёсты тупатонъя ӵектонъёс. Вераськон мынӥз дышетонъя катрадлыке дэмлам выльдонъёс сярысь но. Кун Кенешысь наукая, дышетонъя, культурая, егитъёсын ужан но йӧскалык политикая, спортъя ялан ужась комиссилэн тӧроез Татьяна Ишматова сюлмаськемзэ вераз кыкетӥ кунгож сьӧр кылэз дышетонъя стандартъёс пумысен. Та ужпум тужгес лэчыт гурт школаос понна. Отын али одӥгзэ но кылэз дышетыны дышетӥсьёс уг тырмо. Со сяна, кыкетӥ кунгож сьӧр кылэз программае пыртон ӵемысь отысь анай кылэз палэнтытэ. Та ласянь ӵектонъёссэс удмурт парламентарийёс сётӥзы Федераци Кенешысь наукая, дышетонъя но культурая Комитетлэн тӧроезлэн воштӥсезлы Виктор Кресслы. Ужпум матысь дыре Комитетлэн кенешоназ эскеремын луоз, оскытӥз со.
Пенза улослэн Каткылдытъясь Собраниезлэн Тӧроез Валерий Лидин пусйиз улосвыл парламентъёслэн валче ужамзылэсь кулэлыксэ. Со вылӥ дунъет сётӥз Приволжск федерал округысь каткылдытъясь тӧрлык ёзъёслэн Ассоциацизылэн 2018-тӥ арын сӥзьыл Ижкарын ортчем кенешонэзлы.