Кун Кенеш Росси Азьмуртлэсь Посланизэ быдэсъянъя ужрадъёсын План дасяны кутскиз
28.02.2019
Удмуртиысь Кун Кенеш Росси Азьмуртлэсь Посланизэ быдэсъянъя ужрадъёсын План дасяны кутскиз. Со понна элькун парламентлэн Тӧроез Алексей Прасолов муниципал огазеяськонъёслэсь Координаци Кенешсэс люкалляз. Вераськонэ пыриськизы Росси Кун Думаысь депутатъёс, Элькун Кивалтэтлэн Тӧроез Ярослав Семенов, Кун Кенешлэн Президиумезлэн ёзчиосыз.
Алексей Прасолов люкаськемъёслы тодазы вайытӥз Кун Азьмуртлэн Посланияз чузъяськем валтӥсь ӵектонъёсты. Кылсярысь, Владимир Путин бадӟым саклык висъяз нылпиосын семьяослы. Со нырысетӥ но кыкетӥ пиналъёслы арес но ӝыныозь чаклам тыронъёсты йылэтыны ӵектӥз. Та арысен ини ог кык поллы ӝутыны сӧсыр пиналъёсты будэтӥсьёслы чаклам пособиосты. Со дыре ик нылпиосын семьяослэсь выт но мукет тыронъёссэс пичиятыны. Макем тросгес семьяын нылпи, сокем ичигес луыны кулэ солэн тыронъёсыз. Семьяослы капчиятыны ӵектэмын ипотекая ставкаосты, нош куинетӥ пинал вордэм семьяослы кредитсылэсь 450 сюрс манетсэ ворсаны. Бадӟым ужрадъёс чакламын гурт удысын. «Земский доктор» программа вӧзы вуоно арысен «Земский учитель» программаез ватсаны, гуртъёсы вылӥ ӝоглыко интернетэз вуттыны ӵектэмын. Та но Посланиын чузъяськем ӵектонъёсты шаерамы быдэсъян понна выль катъёс но кулэ луозы, чакла Кун Кенешлэн Тӧроезлэн нырысетӥ воштӥсез Владимир Невоструев. Со понна котькуд комиссия азе али ужась катрадлыкез эскерыны ужпум пуктэмын. Кык арня ӵоже депутатъёс кулэ воштонъёсын дэмланъёссэс дасяны кулэ.
Посланиез быдэсъянъя План дасянэ Алексей Прасолов пыриськыны куриз ваньзэ кенешонэ люкаськемъёсты. Кун Кенешлэн Тӧроез нимысьтыз вазиськиз ёрос но кар депутат кенешъёслэн тӧроссылы – эскерыны, мар туннэ уг тырмы интыосын Посланиысь ужрадъёсты улонэ пыӵатон понна.
Алексей Прасолов люкаськемъёслы тодазы вайытӥз Кун Азьмуртлэн Посланияз чузъяськем валтӥсь ӵектонъёсты. Кылсярысь, Владимир Путин бадӟым саклык висъяз нылпиосын семьяослы. Со нырысетӥ но кыкетӥ пиналъёслы арес но ӝыныозь чаклам тыронъёсты йылэтыны ӵектӥз. Та арысен ини ог кык поллы ӝутыны сӧсыр пиналъёсты будэтӥсьёслы чаклам пособиосты. Со дыре ик нылпиосын семьяослэсь выт но мукет тыронъёссэс пичиятыны. Макем тросгес семьяын нылпи, сокем ичигес луыны кулэ солэн тыронъёсыз. Семьяослы капчиятыны ӵектэмын ипотекая ставкаосты, нош куинетӥ пинал вордэм семьяослы кредитсылэсь 450 сюрс манетсэ ворсаны. Бадӟым ужрадъёс чакламын гурт удысын. «Земский доктор» программа вӧзы вуоно арысен «Земский учитель» программаез ватсаны, гуртъёсы вылӥ ӝоглыко интернетэз вуттыны ӵектэмын. Та но Посланиын чузъяськем ӵектонъёсты шаерамы быдэсъян понна выль катъёс но кулэ луозы, чакла Кун Кенешлэн Тӧроезлэн нырысетӥ воштӥсез Владимир Невоструев. Со понна котькуд комиссия азе али ужась катрадлыкез эскерыны ужпум пуктэмын. Кык арня ӵоже депутатъёс кулэ воштонъёсын дэмланъёссэс дасяны кулэ.
Посланиез быдэсъянъя План дасянэ Алексей Прасолов пыриськыны куриз ваньзэ кенешонэ люкаськемъёсты. Кун Кенешлэн Тӧроез нимысьтыз вазиськиз ёрос но кар депутат кенешъёслэн тӧроссылы – эскерыны, мар туннэ уг тырмы интыосын Посланиысь ужрадъёсты улонэ пыӵатон понна.