Егитъёслэн устоез парламентсы Юкаменск ёросын ужа

Туннэ Ижкарын муниципал огазеяськонъёсысь егитъёслэсь устозэ парламентсэс бырйизы. Дунъет сётӥськиз 2018-тӥ арлэн йылпумъянъёсызъя. Огъя конкурсэ 14 ёросъёсысь но каръёсысь егитъёс пыриськизы. Финалэ потӥз 8 муниципал парламент. Туннэ соослэн ужамзылы дунъет сётӥз нимысьтыз кылдытэм конкурс комиссия. Отчы пыризы Удмуртилэн Кун Кенешысьтыз депутатъёс но егитъёслэн элькун парламентсылэн ёзчиосыз. «Устоосыз пӧлысь устозэ висъяны капчи ӧй вал, - шуиз конкурс комиссилэн кивалтӥсез, Кун Кенешысь ялан ужась ӧрилэн тӧроез Татьяна Ишматова. – Дунъякумы, лыдэ басьтӥм егитъёслэсь али ужась депутатъёсын кусып возьыны быгатэмзэс, каткылдытъян уже пыриськемзэс».
Конкурс комиссия та ласянь тужгес вылӥ дунъет сётӥз Юкаменск ёросысь егитъёслэн парламентсылы. Со ик конкурслэн вормисез луиз. Кыкетӥ интыез Вотка ёросысь егитъёслэн парламентсылы сётӥзы, куинетӥ – Дэри ёросысь.