Кун но муниципал ваньбурен кивалтон лэчыт ужпумъёсты эскеризы котрес ӝӧк сьӧрын вераськонын
14.02.2019
Кун Кенешын кун но муниципал ваньбурен кивалтон лэчыт ужпумъёсты котырес ӝӧк сьӧрын эскеризы. Вераськонэз нуиз «КПРФ» фракцилэн кивалтӥсез Алексей Конорюков. Кенешонэ пыриськизы Кун Кенешлэн Тӧроезлэн нырысетӥ воштӥсез Владимир Невоструев, бюджетъя, вытъёсъя но коньдон кусыпъёсъя ялан ужась ӧрилэн тӧроез Юрий Тюрин, агропром огъетъя, музъем кусыпъёсъя но инкуазь узырлыкъя ялан ужась ӧрилэн тӧроез Владимир Варламов, Кун Кенешысь депутатъёс, министерствоосын но ведомствоосын ужасьёс.
Кызьы вераз Удмуртиысь ваньбур кусыпъёсъя министр Анна Боталова, туннэ кун ваньбуръя улосвыл Реестрын 9 кун унитарной предприятие, 190 бюджет но 132 автоном ужъюрт, 72 казённой ужъюрт но кун асъетын утиськись акциосын 19 огазеяськон пусъемын. Муниципал асъетын 1260 бюджет, 88 автономной но 802 казённой ужъюрт, озьы ик 80 унитарной предприятие но 21 огазеяськон лыдъяське. Удмурт Элькунлэн асъетаз 1518 музъем кесэг но 5961 лэсьтӥськон объект возиське.
Министерство азе ужпум пуктэмын та ваньбурез пусйыны но чакланы, уже кутӥськисьтэм объектъёсты вузаса, элькун коньдэтлэсь табыш люкетсэ йылэтыны. Чакламъя, али шаерамы 2177 сыӵе уже кутӥськисьтэм объектъёс.
Вераськонэ пыриськисьёс кӧня ке министерствоослэн но ведомствоослэн та ласянь ужаменызы тодматскизы.
Элькунысь гурт возёсъя но сиён-юон поттонъя министрлэн Ольга Абрамовалэн верамезъя, али министерстволэн бурд улаз куинь бюджет ужъюрт. Со – гурт удысын консультирования центр, ботаника сад но ипподром. Котькудиз азе кунэн нимысьтыз ужпумъёс пуктэмын. Но 2018-тӥ арын соосты быдэсъяны элькун бюджетысь 16 миллион манет висъямын ке вал, 2019 арлы коньдон 10 миллионозь кулэстэмын. Соин ӵош ужъюртъёслы асьсэлэсь табыш поттонзэс будэтыны ӵектэмын. Ольга Абрамовалэн верамезъя, со понна луонлыкъёс тырмыт. Ботаника сад, кылсярысь, кылем арын 700 сюрс манет табыш поттыны быгатӥз, ипподром араз ог 5 миллион манет поттэ. Ипподромез карын улӥсьёс понна пайдалыко шутэтскон интылы но пӧрмытыны луоно, шуиз министр. Али отын, кылсярысь, висись пиналъёс понна иппотерапияя курсъёс нуисько.
Транспортъя но сюрес возёсъя министр Алексей Горбачёв нимысьтыз пусйиз «Дорожное предприятие «Ижевское» акционер огазеяськонлэсь но «Удмуртавтодор» унитарной кун предприятилэсь ужзэс. Нырысетӥез 2018 арлэн 9 толэзез ӵоже 2,6 миллиард манет поттӥз, кыкетӥез – 1,7 миллиард манет. Соос элькунысь ваньзэ сямен 18 сюрс иськем сюресъёсты возё. 11 сюрс иськемез со - муниципал сюресъёс, 375 иськемез – федерал, 6 сюрс иськемез – элькун сюресъёс. Алексей Горбачёвлэн верамезъя, али та предприятиосты огазеян сярысь веарськон мынэ. Акциослэсь оглюкетсэс вузаны чакламын. Со чотын поттэм коньдон ветлыны луонтэм сюресъёсты тупатъяны кутӥськоз. МЧС-лэн ивортонэзъя, туннэ 62 гуртъёсын сыӵе сюресъёс вань.
Котрес ӝӧк сьӧры пыриськисьёс пусйизы, кун ваньбурез вузанэн герӟаськем ужъёсты туж чакласькыса нуоно шуыса. Уката но сак луоно гуртъёсысь предприятиосты вузаку. Ӵемысь соос гуртоослэн одӥг гинэ ужан интызы луо.
Вераськонын чузъяськем вань дэмланъёс но ӵектонъёс Элькун Кивалтэтэ келямын луозы.
Кызьы вераз Удмуртиысь ваньбур кусыпъёсъя министр Анна Боталова, туннэ кун ваньбуръя улосвыл Реестрын 9 кун унитарной предприятие, 190 бюджет но 132 автоном ужъюрт, 72 казённой ужъюрт но кун асъетын утиськись акциосын 19 огазеяськон пусъемын. Муниципал асъетын 1260 бюджет, 88 автономной но 802 казённой ужъюрт, озьы ик 80 унитарной предприятие но 21 огазеяськон лыдъяське. Удмурт Элькунлэн асъетаз 1518 музъем кесэг но 5961 лэсьтӥськон объект возиське.
Министерство азе ужпум пуктэмын та ваньбурез пусйыны но чакланы, уже кутӥськисьтэм объектъёсты вузаса, элькун коньдэтлэсь табыш люкетсэ йылэтыны. Чакламъя, али шаерамы 2177 сыӵе уже кутӥськисьтэм объектъёс.
Вераськонэ пыриськисьёс кӧня ке министерствоослэн но ведомствоослэн та ласянь ужаменызы тодматскизы.
Элькунысь гурт возёсъя но сиён-юон поттонъя министрлэн Ольга Абрамовалэн верамезъя, али министерстволэн бурд улаз куинь бюджет ужъюрт. Со – гурт удысын консультирования центр, ботаника сад но ипподром. Котькудиз азе кунэн нимысьтыз ужпумъёс пуктэмын. Но 2018-тӥ арын соосты быдэсъяны элькун бюджетысь 16 миллион манет висъямын ке вал, 2019 арлы коньдон 10 миллионозь кулэстэмын. Соин ӵош ужъюртъёслы асьсэлэсь табыш поттонзэс будэтыны ӵектэмын. Ольга Абрамовалэн верамезъя, со понна луонлыкъёс тырмыт. Ботаника сад, кылсярысь, кылем арын 700 сюрс манет табыш поттыны быгатӥз, ипподром араз ог 5 миллион манет поттэ. Ипподромез карын улӥсьёс понна пайдалыко шутэтскон интылы но пӧрмытыны луоно, шуиз министр. Али отын, кылсярысь, висись пиналъёс понна иппотерапияя курсъёс нуисько.
Транспортъя но сюрес возёсъя министр Алексей Горбачёв нимысьтыз пусйиз «Дорожное предприятие «Ижевское» акционер огазеяськонлэсь но «Удмуртавтодор» унитарной кун предприятилэсь ужзэс. Нырысетӥез 2018 арлэн 9 толэзез ӵоже 2,6 миллиард манет поттӥз, кыкетӥез – 1,7 миллиард манет. Соос элькунысь ваньзэ сямен 18 сюрс иськем сюресъёсты возё. 11 сюрс иськемез со - муниципал сюресъёс, 375 иськемез – федерал, 6 сюрс иськемез – элькун сюресъёс. Алексей Горбачёвлэн верамезъя, али та предприятиосты огазеян сярысь веарськон мынэ. Акциослэсь оглюкетсэс вузаны чакламын. Со чотын поттэм коньдон ветлыны луонтэм сюресъёсты тупатъяны кутӥськоз. МЧС-лэн ивортонэзъя, туннэ 62 гуртъёсын сыӵе сюресъёс вань.
Котрес ӝӧк сьӧры пыриськисьёс пусйизы, кун ваньбурез вузанэн герӟаськем ужъёсты туж чакласькыса нуоно шуыса. Уката но сак луоно гуртъёсысь предприятиосты вузаку. Ӵемысь соос гуртоослэн одӥг гинэ ужан интызы луо.
Вераськонын чузъяськем вань дэмланъёс но ӵектонъёс Элькун Кивалтэтэ келямын луозы.