Агропром огъетъя комиссия умоен лыдъяз муш вордон удысэз кун ласянь радъян но солы юрттэт сётон сярысь катӵектосэз
07.02.2019
Кун Кенешысь агропром огъетъя ялан ужась комиссия умоен лыдъяз муш вордон удысэз азинтонон герӟаськем катӵектосэз. Табере сое огъя Кун Кенеш эскерыны кулэ.
Муш вордон удысэз азинтонъя нимысьтыз катлэн кулэлыкез сярысь вераськонъёс кӧня ке ар ӵоже мыно ини. Та дырозь солэн кӧня ке ӵектосъёсыз но дасямын вал ини. Одӥгез но закон дорозь ӧз вуэ. Кун Кенешысь агропром огъетъя ялан ужась комиссилэн кивалтӥсезлэн Владимир Варламовлэн верамезъя, та бордын ужез азьланьтыны куронэн вазиськизы асьсэос муш вордӥсьёс. Соослэн малпамзыя, удысэз рос-прос азинтон понна, сое нимысьтыз сӧзнэт шуыса пусйыны кулэ. Нош сое лэсьтыны луэ кат пыр гинэ. Ӵектос кутэмын луиз ке, со муш вордӥсьёслы кун ласянь юрттэт висъянлы инъет кылдытоз, шуиз Владимир Варламов. Туннэ мушен вырыны мылкыд карисьёс шаерамы трос. Но котькудзы ужзэс нимаз, асьсэ тодэмзыя но асьсэ валамзыя нуо, удысэз азинтонъя кун политика ӧвӧл. Катӵектос удысэз радъян но солы кун ласянь юрттэт сётон амалъёсты, мушъёсты но адямиосты утён ужрадъёсты, пасекаосты интыянъя куронъёсты пусъе.
Будэтом на – 2016-тӥ арын гурт удысын ортчытэм переписья, берло 10 ар ӵоже Россиын муш семьяослэн лыдзы 20 процентлы кулэсмиз. Кунамы поттэм чечы пӧлысь туннэ ог 3-5 процентэз гинэ вузаське солэн палэназ. Нош Аргентинаын, Уругвайын, Кубаын, Вьетнамын та лыдпус 90 процентозь вуэ. Украина но Бразилия 70 процентсэ поттэм чечызэ палэназы вузало. Валамон, солэсь та кунъёс шӧдскымон табыш басьтыны быгато. Россиын тужгес трос муш вордо Башкортостанын – ог 357 сюрс семья, Татарстанын – 220 сюрслэсь ятыр но Алтай шаерын – 170 сюрслэсь трос. Та улосъёсын муш вордонъя законъёссы вань. Удмуртиын туннэ 60 сюрс муш семья лыдъяське. Бадӟым люкетэз – нимаз кузёослэн бакчаосазы. Сыӵе муш бакчаос 4 сюрслэсь ятыр. Нош бадӟым предприятиосын 53 сяна пасекаос ӧвӧл. Удмуртиын муш вордонъя одӥг гинэ племрепродуктор вань. Со – Можга ёросысь «Россия» гурт предприятие.
Пусйыны кулэ – Удмуртиын 2017-тӥ арын мушкасьёс 653 тонна чечы кыскизы. 2016-тӥ арын сярысь со 32 процентлы яке ог 300 тонналы ӧжытгес.
Муш вордон удысэз азинтонъя нимысьтыз катлэн кулэлыкез сярысь вераськонъёс кӧня ке ар ӵоже мыно ини. Та дырозь солэн кӧня ке ӵектосъёсыз но дасямын вал ини. Одӥгез но закон дорозь ӧз вуэ. Кун Кенешысь агропром огъетъя ялан ужась комиссилэн кивалтӥсезлэн Владимир Варламовлэн верамезъя, та бордын ужез азьланьтыны куронэн вазиськизы асьсэос муш вордӥсьёс. Соослэн малпамзыя, удысэз рос-прос азинтон понна, сое нимысьтыз сӧзнэт шуыса пусйыны кулэ. Нош сое лэсьтыны луэ кат пыр гинэ. Ӵектос кутэмын луиз ке, со муш вордӥсьёслы кун ласянь юрттэт висъянлы инъет кылдытоз, шуиз Владимир Варламов. Туннэ мушен вырыны мылкыд карисьёс шаерамы трос. Но котькудзы ужзэс нимаз, асьсэ тодэмзыя но асьсэ валамзыя нуо, удысэз азинтонъя кун политика ӧвӧл. Катӵектос удысэз радъян но солы кун ласянь юрттэт сётон амалъёсты, мушъёсты но адямиосты утён ужрадъёсты, пасекаосты интыянъя куронъёсты пусъе.
Будэтом на – 2016-тӥ арын гурт удысын ортчытэм переписья, берло 10 ар ӵоже Россиын муш семьяослэн лыдзы 20 процентлы кулэсмиз. Кунамы поттэм чечы пӧлысь туннэ ог 3-5 процентэз гинэ вузаське солэн палэназ. Нош Аргентинаын, Уругвайын, Кубаын, Вьетнамын та лыдпус 90 процентозь вуэ. Украина но Бразилия 70 процентсэ поттэм чечызэ палэназы вузало. Валамон, солэсь та кунъёс шӧдскымон табыш басьтыны быгато. Россиын тужгес трос муш вордо Башкортостанын – ог 357 сюрс семья, Татарстанын – 220 сюрслэсь ятыр но Алтай шаерын – 170 сюрслэсь трос. Та улосъёсын муш вордонъя законъёссы вань. Удмуртиын туннэ 60 сюрс муш семья лыдъяське. Бадӟым люкетэз – нимаз кузёослэн бакчаосазы. Сыӵе муш бакчаос 4 сюрслэсь ятыр. Нош бадӟым предприятиосын 53 сяна пасекаос ӧвӧл. Удмуртиын муш вордонъя одӥг гинэ племрепродуктор вань. Со – Можга ёросысь «Россия» гурт предприятие.
Пусйыны кулэ – Удмуртиын 2017-тӥ арын мушкасьёс 653 тонна чечы кыскизы. 2016-тӥ арын сярысь со 32 процентлы яке ог 300 тонналы ӧжытгес.