Версия для слабовидящих
Юкаменск ёрослы тӧрое быръемын Константин Бельтюков

Юкаменск ёрослы тӧрое быръемын Константин Бельтюков

12.02.2019
Юкаменск ёрослы тӧрое быръемын Константин Бельтюков
Удмуртиысь Кун Кенешлэн Тӧроез Константин Бельтюковез Юкаменск ёрослы тӧрое быръемен ӟечкылаз. Алексей Прасолов солы азинлыко ужаны сӥзиз.
Константин Бельтюковез ёрослы тӧрое бырйизы туннэ депутатъёслэн ёрос кенешсылэн сессияз. Азьвыл со Юкаменск ёрос администрациен кивалтӥсьлэн гурт возёсъя воштӥсез луыса ужаз. Сессилэн кенешоназ пыриськизы Кун Кенешлэн Тӧроезлэн нырысетӥ воштӥсез Владимир Невоструев но Элькун Тӧролэн но Кивалтэтлэн Администрацизылэн кивалтӥсез Сергей Смирнов.
«Гуртын улонэз умоятоно, адямиослэн отын ужаны кылемзы мед потоз. Малпаськоно гуртын ваньбур поттон выль удысъёс кылдытон сярысь, азинтоно лэсьтӥськон удысэз. Юн кусып возёно вань тӧрлык ёзъёсын, нырысь ик – Элькунлэн Тӧроеныз, Кун Кенешен, Кивалтэтэн. Валче ужаса гинэ пуктэм ужпумъёсты быдэстыны луоз», выль тӧролы сӥзёнъёссэ вераз Владимир Невоструев.
Константин Бельтюков понна куаразэс сётӥзы 21 пӧлысь 20-ез депутатъёс. Кыкетӥез ӵектэм мурт – Юкаменск ёрос эмъяськоннилэн валтӥсь врачез Наталья Николаева - понна дурбасьтӥз 1 мурт.
Тодады вайытом, ӵапак соос ёрослэн кивалтӥсез понна ялэм конкурслэн йылпумъян люкетаз потӥзы. 1 тулыспалэ конкурс комиссилэн ёзчиосыз соосты 5 кандидатъёс пӧлысь бырйизы.

Возврат к списку