2020-ти арлэн пумозяз Удмуртиысь вань школаосын вылӥ ӝоглыко интернет луоз
29.01.2019
Герӟетэз но вылӥ ӝоглыко интернетэз Удмуртиысь гуртъёсы вуттон ужпумъёс эскериськизы туннэ Кун Кенешын. Парламентлэн Тӧроеныз но Президиумлэн ёзчиосыныз пумиськылӥз Удмуртиысь информатизацияя но герӟетъя министр Тимур Меджитов. Вераськонэ озьы ик пыриськиз министрлэн нырысетӥ воштӥсез Михаил Фоминов.
Тимур Меджитовлэн верамезъя, туннэ шаерысьтымы 92 процентэз улӥсьёс 3G сотовой герӟетэз кутыны быгато. 84 процентэзлэн 4G герӟетсы вань. Волоконно-оптической линиос вуттэмын 250-лэсь трос улӥсен 48 процентаз гуртъёсы. Каръёсын улӥсь ваньмызлэн сямен адямиослэн вылӥ ӝоглыко интернетсы вань ке, ёросъёсын югдур портэм. Интернет-герӟетэн герӟаськем юанъёс туж ӵем чузъясько депутатъёслэн бырйисьёсын пумиськонъёсазы но. Интернетлэн ӝоглыкез тырмымтэен, дышетӥсьёс ужзэс кулэезъя радъяны уг быгато, ужбергатӥсьёс катрадлыклэсь вузъёсты бергатонъя куронъёссэ быдэсъяны шугъясько. Сыӵе югдур ӵемгес пумиськылэ кыдёкысь гуртъёсын.
Тимур Меджитов вераз, туннэ Удмуртиысь 670 дышетсконниос пӧлысь 124-аз интернетлэн ӝоглыкез секундскын 1 мегабитлэсь ичигес луэ. Вылӥ ӝоглыко интернет вань школаосы вуоз 2020-тӥ арлэн пумозяз, шуиз министр. Озьы чакламын «Цифровая экономика» йӧскалык проектэн. Со сяна, 2024-тӥ арозь ӟечлыко интернет вуыны кулэ фельдшер-акушер пунктъёсы, интыосысь аскивалтон ёзъёсы, мерлыко юрттэт сётонъя юртъёсы, полицилэн интыосысь участокъёсаз, тылпуослэсь утиськонъя частьёсы, Росгвардилэн ёзъёсаз но мукет интыосы. «Ваньмыз 717 гурт но 2 сюрс пала мерлыко объектъёс», - валэктӥз Тимур Меджитов.
Кун Кенешлэн Тӧроез Алексей Прасолов пусйиз, депутатъёслэн быдэсъясь тӧрлык ёзъёсын герӟетэз азинтонъя валче ужанзы азьланьтэмын луоз. Кулэ луиз ке, парламент дась каткылдытъянъя ӵектонъёсты но эскерыны.
Тодады вайытом, кылем арын воштонъёс пыртэмын вал «О градостроительной деятельности в Удмуртской Республике» катэ. Соосъя интернетэз но сотовой герӟетэз вӧлмытӥсь антеннаосты но мачтаосты нимысьтыз лэзён кагазъёстэк пуктыны луэ. Озьы гуртъёсы ӟечлыко герӟетэз ӝоггес вуттыны луонлыкъёс кылдӥзы.
Тимур Меджитовлэн верамезъя, туннэ шаерысьтымы 92 процентэз улӥсьёс 3G сотовой герӟетэз кутыны быгато. 84 процентэзлэн 4G герӟетсы вань. Волоконно-оптической линиос вуттэмын 250-лэсь трос улӥсен 48 процентаз гуртъёсы. Каръёсын улӥсь ваньмызлэн сямен адямиослэн вылӥ ӝоглыко интернетсы вань ке, ёросъёсын югдур портэм. Интернет-герӟетэн герӟаськем юанъёс туж ӵем чузъясько депутатъёслэн бырйисьёсын пумиськонъёсазы но. Интернетлэн ӝоглыкез тырмымтэен, дышетӥсьёс ужзэс кулэезъя радъяны уг быгато, ужбергатӥсьёс катрадлыклэсь вузъёсты бергатонъя куронъёссэ быдэсъяны шугъясько. Сыӵе югдур ӵемгес пумиськылэ кыдёкысь гуртъёсын.
Тимур Меджитов вераз, туннэ Удмуртиысь 670 дышетсконниос пӧлысь 124-аз интернетлэн ӝоглыкез секундскын 1 мегабитлэсь ичигес луэ. Вылӥ ӝоглыко интернет вань школаосы вуоз 2020-тӥ арлэн пумозяз, шуиз министр. Озьы чакламын «Цифровая экономика» йӧскалык проектэн. Со сяна, 2024-тӥ арозь ӟечлыко интернет вуыны кулэ фельдшер-акушер пунктъёсы, интыосысь аскивалтон ёзъёсы, мерлыко юрттэт сётонъя юртъёсы, полицилэн интыосысь участокъёсаз, тылпуослэсь утиськонъя частьёсы, Росгвардилэн ёзъёсаз но мукет интыосы. «Ваньмыз 717 гурт но 2 сюрс пала мерлыко объектъёс», - валэктӥз Тимур Меджитов.
Кун Кенешлэн Тӧроез Алексей Прасолов пусйиз, депутатъёслэн быдэсъясь тӧрлык ёзъёсын герӟетэз азинтонъя валче ужанзы азьланьтэмын луоз. Кулэ луиз ке, парламент дась каткылдытъянъя ӵектонъёсты но эскерыны.
Тодады вайытом, кылем арын воштонъёс пыртэмын вал «О градостроительной деятельности в Удмуртской Республике» катэ. Соосъя интернетэз но сотовой герӟетэз вӧлмытӥсь антеннаосты но мачтаосты нимысьтыз лэзён кагазъёстэк пуктыны луэ. Озьы гуртъёсы ӟечлыко герӟетэз ӝоггес вуттыны луонлыкъёс кылдӥзы.