Версия для слабовидящих
«Подарок своими руками» акция улсын Ува, Пичи Пурга ёросъёсысь но Сарапулысь пиналъёс кузьымъёс басьтӥзы

«Подарок своими руками» акция улсын Ува, Пичи Пурга ёросъёсысь но Сарапулысь пиналъёс кузьымъёс басьтӥзы

14.01.2019
«Подарок своими руками» акция улсын Ува, Пичи Пурга ёросъёсысь но Сарапулысь пиналъёс кузьымъёс басьтӥзы
Кун Кенешысь депутатъёс кыкетӥ арзэ ини пырисько «Подарок своими руками» акцие. Со Удмуртилэн Тӧроезлэн кичӧлтэмезъя радъяське. Парламентарийёс понна та ужрад – кулэяськисьёслы сюлэм шунытэз кузьманы но саклык висъяны луонлык.
Бюджетъя, вытъёсъя но коньдон кусыпъёсъя ӧрилэн тӧроезлы Юрий Тюринлы Ува ёросысь Нылга нылпи юртысь, Пичи Пурга ёросысь Кечёво школа-интернатысь но Сарапулысь анай-атайтэк но соослэн чакланзытэк кылем пиналъёслы школа дорозь тодон-валан сётонъя юртысь пиналъёсын дасям кузьымъёс вуизы. Депутат та юртъёсысь вань нылпиослы гожъяськон-суредаськон арбериосын но шудонъёсын бичетъёс келяз.
«Подарок своими руками» акцие кыкетӥ арзэ ини мыло-кыдо пыриське кунэз лэсьтонъя но интыысь аскивалтонъя комиссилэн тӧроез Александр Прозоров. Туэ со Пичи Пурга ёросысь Дариналы но Ижкарысь Михаиллы кузьымъёссы понна саламъёс келяз. 2017-тӥ арын Александр Прозоров аслаз нылпиосыныз ӵош кузьым дасяз Алнаш нылпи юртын улӥсь Виктория Субботиналы.

Возврат к списку