Прокуратураын ужасьёс пусъё онер праздниксэс
11.01.2019
Туннэ Ижкарын ортчиз Росси прокуратураын ужасьлэн нуналэзлы сӥзем сӥе-дано ужрад. Удмуртилэн Тӧроеныз Александр Бречаловен ӵош ужасьёсты ӟечкылаз Элькунысь Кун Кенешлэн Тӧроез Алексей Прасолов.
Люкаськемъёслы вазиськыса, элькун парламентлэн кивалтӥсез пусйиз, Кун Кенеш но прокуратура катрадлыкез умоятон но солэсь быдэсъяськемзэ эскерон бордын кема аръёс ӵоже ини валче ужало.
«Асьмеос ужаськом катъёс бордын, кудъёсыз шаерысьтымы калыклэсь улонзэ умоятыны кулэ. Кылем арын 96 кат кутэмын. Котькудзэ соосты нырысь ик рос-прос чаклазы прокуратураын ужасьёс. Со бере гинэ катӵектосъёсты эскеризы депутатъёс. Тау тӥледлы ужды понна», - шуиз Алексей Прасолов.
Нимысьтыз тау каронэн со вазиськиз прокуратуралэн ветеранъёсызлы. Виктор Михайлович Погудин, Удмуртилэн Дано кунмуртэз, кылсярысь, 40 ар ӵоже прокуратура ёзъёсын тыршиз. 17 ар ӵоже Удмурт Элькунлэн прокурорезлэсь ужоскетъёссэ быдэсъяз.
Вань депутатъёслэн нимынызы Кун Кенешлэн Тӧроез прокуратураын ужасьёсты ӧнер праздникенызы ӟечкылаз, азьланяз но тазьы ик пайдалыко валче ужаны оскемзэ вераз.
Удмуртилэн прокурорез Артём Николаев пусйиз, Россиысь прокуратура ог 3 даур чоже ини кунлыкез утён, катрадлыклэсь быдэсъяськемзэ эскерон ужзэ нуэ. Котькыӵе вакытъёсы но солэн валтӥсь ужпумез – адямиослэсь тунсыкъёссэс но эрикрадъёссэс утён.
Прокурорлэн верамезъя, ортчем ар чоже катрадлыкез тӥян 55 сюрс пала учыръёс алэмын. Прокуроръёслэн тыршеменызы, судъёс пыр адямиослы 135 миллион манет берыктэмын, уждунъя 306 миллион манеты тыр пунэмъёс тыремын. Артём Николаев оскытӥз, азьланяз но прокуратура катрадлыклэсь быдэсъяськемзэ сак чакласа возёз.
Элькунлэн Тӧроез но Кун Кенешлэн кивалтӥсез удысын ужасьёсты вылӥ кун данъетъёсын пусйизы.
Дано ужрадэ озьы ик пыриськизы Удмуртилэн Кивалтэтэзлэн Тӧроез Ярослав Семёнов, Удмурти Элькунъя валтӥсь Федерал инспектор Дмитрий Мусин, Кун Кенешысь депутат, Элькунлэн азьвыл прокурорез Сергей Панов, Эскеронъя кун комитетлэн тӧроез Борис Сарнаев, Россиысь Следствиосъя комитетлэн Удмурт Элькунъя следственной управлениезлэн кивалтӥсез Владимир Никешкин, Россиысь МСЧ-лэн Удмурт Элькунъя управлениезлэн кивалтӥсез Пётр Фомин, Ижкарлэн Тӧроез Олег Бекмеметьев, Элькунысь ведомствоослэн, предприятиослэн но огазеяськонъёслэн кивалтӥсьёссы.
Люкаськемъёслы вазиськыса, элькун парламентлэн кивалтӥсез пусйиз, Кун Кенеш но прокуратура катрадлыкез умоятон но солэсь быдэсъяськемзэ эскерон бордын кема аръёс ӵоже ини валче ужало.
«Асьмеос ужаськом катъёс бордын, кудъёсыз шаерысьтымы калыклэсь улонзэ умоятыны кулэ. Кылем арын 96 кат кутэмын. Котькудзэ соосты нырысь ик рос-прос чаклазы прокуратураын ужасьёс. Со бере гинэ катӵектосъёсты эскеризы депутатъёс. Тау тӥледлы ужды понна», - шуиз Алексей Прасолов.
Нимысьтыз тау каронэн со вазиськиз прокуратуралэн ветеранъёсызлы. Виктор Михайлович Погудин, Удмуртилэн Дано кунмуртэз, кылсярысь, 40 ар ӵоже прокуратура ёзъёсын тыршиз. 17 ар ӵоже Удмурт Элькунлэн прокурорезлэсь ужоскетъёссэ быдэсъяз.
Вань депутатъёслэн нимынызы Кун Кенешлэн Тӧроез прокуратураын ужасьёсты ӧнер праздникенызы ӟечкылаз, азьланяз но тазьы ик пайдалыко валче ужаны оскемзэ вераз.
Удмуртилэн прокурорез Артём Николаев пусйиз, Россиысь прокуратура ог 3 даур чоже ини кунлыкез утён, катрадлыклэсь быдэсъяськемзэ эскерон ужзэ нуэ. Котькыӵе вакытъёсы но солэн валтӥсь ужпумез – адямиослэсь тунсыкъёссэс но эрикрадъёссэс утён.
Прокурорлэн верамезъя, ортчем ар чоже катрадлыкез тӥян 55 сюрс пала учыръёс алэмын. Прокуроръёслэн тыршеменызы, судъёс пыр адямиослы 135 миллион манет берыктэмын, уждунъя 306 миллион манеты тыр пунэмъёс тыремын. Артём Николаев оскытӥз, азьланяз но прокуратура катрадлыклэсь быдэсъяськемзэ сак чакласа возёз.
Элькунлэн Тӧроез но Кун Кенешлэн кивалтӥсез удысын ужасьёсты вылӥ кун данъетъёсын пусйизы.
Дано ужрадэ озьы ик пыриськизы Удмуртилэн Кивалтэтэзлэн Тӧроез Ярослав Семёнов, Удмурти Элькунъя валтӥсь Федерал инспектор Дмитрий Мусин, Кун Кенешысь депутат, Элькунлэн азьвыл прокурорез Сергей Панов, Эскеронъя кун комитетлэн тӧроез Борис Сарнаев, Россиысь Следствиосъя комитетлэн Удмурт Элькунъя следственной управлениезлэн кивалтӥсез Владимир Никешкин, Россиысь МСЧ-лэн Удмурт Элькунъя управлениезлэн кивалтӥсез Пётр Фомин, Ижкарлэн Тӧроез Олег Бекмеметьев, Элькунысь ведомствоослэн, предприятиослэн но огазеяськонъёслэн кивалтӥсьёссы.