Удмуртиысь Кун Кенеш элькунлэсь 2019-тӥ арлы коньдэтсэ 950 миллион манет пала профицитэн кутӥз
11.12.2018
Удмуртиысь Кун Кенеш элькунлэсь 2019-тӥ арлы коньдэтсэ 950 миллион манет пала профицитэн кутӥз. Туннэ, 11-тӥ толсуре, улосвыл парламентлэн укмысэтӥ сессиезлэн кыкетӥ кенешонэз ортчиз.
"Ужпум улосвылын но резервъёсты шедьтон, со сяна, таяз арын кивалтэт но тӧро умой ужазы но элькунэ коньдон ваизы. Депутатъёслэн, тӧролэн но кивалтэтлэн валче ужамзы вуоно арын умой емышъёс сётоз шуыса малпасько. <…> Мынам малпамея, бюджет али умой, азинскись но шуыны луоз," - шуиз Удмуртиысь Кун Кенешлэн тӧроез Алексей Прасолов.
Элькунлэсь 2019-тӥ арлы коньдэтсэ кыкетӥ лыдӟемен юнматӥзы. Нырысетӥ лыдӟем бере ужкагазэ 305 тупатонъёс пыртӥзы, со пӧлысь 177-зэ умоен лыдъязы. Озьы коньдэтлэн табыш но уже кутоно люкетъёсыз 7 миллиард 400 миллион манетлы йылӥзы. Тазалыкез утён удыслы висъяно уксёлэсь быдӟалазэ 1 миллиард манетлэсь трослы будэтӥзы. Дышетон удыслы – 746 миллион 500 сюрс манетлы. Со пӧлын пиналъёсты школаын сюдонлы, шутэтсконэз радъянлы, огъя кун экзаменъёсты ортчытонлы. Мерлыко юрттэт сётон удыслы 340 миллион 500 сюрс манет ватсазы, сюрес возёсэз азинтонлы – 965 миллион манет, лэсьтӥськон удыслы юрттонлы – 2 миллион 400 сюрс манет.
2019-тӥ арын коньдэтлэн табыш люкетэз 72 миллиард 800 миллион манет луоз, уже кутоно люкетэз – 71 миллиард 900 миллион манет, профицитэз – 948 миллион манет.
"Тау, кин тупатонъёс но алон вылын ӝотак сылӥз. Ми вань ӵектонъёсты лыдэ басьтомы. Асьмеос туж умой валаськомы, азинскыны кутскон понна асьмелы ӧжытсэ 15-20 миллиард уг тырмы шуыса. Соин ик кивалтэтлэн коньдон ужпумъёсъя блокез азьын Росси Федерациысь кивалтэтэн арнялы быдэ ужаны но мониторинг ортчытыны кулэ," - пусйиз Удмуртилэн тӧроез Александр Бречалов.
Экономикая блоклы табышез будэтыны ужпум пуктӥзы. Улосвыл тӧро тодэ вайытӥз, азьпалан – Тазалыклэн арез. Александр Бречалов эмъюртъёсты тупатъянэ пыриськыны курыса вазиськиз. Озьы ик та ужпумлы коньдэтын чакламтэ 3 миллиард манет шедьтозы шуыса пусйиз.
"Ужпум улосвылын но резервъёсты шедьтон, со сяна, таяз арын кивалтэт но тӧро умой ужазы но элькунэ коньдон ваизы. Депутатъёслэн, тӧролэн но кивалтэтлэн валче ужамзы вуоно арын умой емышъёс сётоз шуыса малпасько. <…> Мынам малпамея, бюджет али умой, азинскись но шуыны луоз," - шуиз Удмуртиысь Кун Кенешлэн тӧроез Алексей Прасолов.
Элькунлэсь 2019-тӥ арлы коньдэтсэ кыкетӥ лыдӟемен юнматӥзы. Нырысетӥ лыдӟем бере ужкагазэ 305 тупатонъёс пыртӥзы, со пӧлысь 177-зэ умоен лыдъязы. Озьы коньдэтлэн табыш но уже кутоно люкетъёсыз 7 миллиард 400 миллион манетлы йылӥзы. Тазалыкез утён удыслы висъяно уксёлэсь быдӟалазэ 1 миллиард манетлэсь трослы будэтӥзы. Дышетон удыслы – 746 миллион 500 сюрс манетлы. Со пӧлын пиналъёсты школаын сюдонлы, шутэтсконэз радъянлы, огъя кун экзаменъёсты ортчытонлы. Мерлыко юрттэт сётон удыслы 340 миллион 500 сюрс манет ватсазы, сюрес возёсэз азинтонлы – 965 миллион манет, лэсьтӥськон удыслы юрттонлы – 2 миллион 400 сюрс манет.
2019-тӥ арын коньдэтлэн табыш люкетэз 72 миллиард 800 миллион манет луоз, уже кутоно люкетэз – 71 миллиард 900 миллион манет, профицитэз – 948 миллион манет.
"Тау, кин тупатонъёс но алон вылын ӝотак сылӥз. Ми вань ӵектонъёсты лыдэ басьтомы. Асьмеос туж умой валаськомы, азинскыны кутскон понна асьмелы ӧжытсэ 15-20 миллиард уг тырмы шуыса. Соин ик кивалтэтлэн коньдон ужпумъёсъя блокез азьын Росси Федерациысь кивалтэтэн арнялы быдэ ужаны но мониторинг ортчытыны кулэ," - пусйиз Удмуртилэн тӧроез Александр Бречалов.
Экономикая блоклы табышез будэтыны ужпум пуктӥзы. Улосвыл тӧро тодэ вайытӥз, азьпалан – Тазалыклэн арез. Александр Бречалов эмъюртъёсты тупатъянэ пыриськыны курыса вазиськиз. Озьы ик та ужпумлы коньдэтын чакламтэ 3 миллиард манет шедьтозы шуыса пусйиз.