Версия для слабовидящих
Кун Кенешлэн сессияз 23 ужпумъёсты эскерозы

Кун Кенешлэн сессияз 23 ужпумъёсты эскерозы

10.12.2018
Кун Кенешлэн сессияз 23 ужпумъёсты эскерозы
Ӵуказе, 11-тӥ толсуре, Кун Кенешлэн 9-тӥ сессиезлэн кыкетӥ кенешонэз ортчоз. Отын 23 юанъёсты эскерыны чакламын. Ужанрадысь валтӥсез ужпум — Элькунлэн вуоно арлы бюджетэз сярысь катӵектос. Сое депутатъёс кыкетӥ лыдӟемен юнматыны кулэ. Нырысетӥ лыдӟемен катӵектос кутэмын вал 27-тӥ коньывуонэ. Со бере проектэз комиссиосын эскеризы. Отчы пыртыны 300-лэсь трос дэмланъёссэс веразы. Бюджетъя но вытъёсъя комиссия соос пӧлысь ӝыныезлэсь ятырез понна дурбасьтӥз. Воштонъёслэн огъя дунзы — 7 но ӝыны миллиард манет пала луэ. Ӵапак сомындалы будэтыны куро бюджетлэсь табыш но уже кутон люкетъёссэ. Сессиын воштонъёс юнматэмын луизы ке, Элькунлэн вуоно арлы бюджетэзлэн табыш люкетэз 73 миллиард манет пала луоз, уже кутоноез — ог 72 миллиард. Профицитлэн быдӟалаез — 950 миллион манет.

Возврат к списку