Удмуртилэн 2018-тӥ арлы бюджетаз воштонъёс пыртэмын
30.10.2018
Туннэ Алексей Прасолов кивалтэм улсын Удмурт Элькунысь Кун Кенешлэн 8-тӥ сессиез ортчиз. Котькудаз ик сессиын воштонъёс но ватсанъёс пыртӥсько бюджетэн герӟаськем законэ. Таяз но пӧртэм ӧз луы. Кызьы вераз коньдон ужпумъёсъя министрлэн воштӥсез Вера Сухих, 2017-тӥ ар пумысен республикамы пунэмъёсты пичиятонъя программае пыриське. Соя бюджетысь 19 но ӝыны миллиард манет пунэмъёсмес 7 ар куспын берыктыны кулэ вал. Нош али та дырез 5 арлы гинэ кельтыны луонлык вань. Со понна 2018-тӥ — 2019-тӥ аръёсы бюджетэ вытъёс чотын инфляцилэсь тросгес уксё люкаськыны кулэ.
«2018-тӥ арын инфляция 4,2 процент котыр луоз, — вераз министрлэн воштӥсез. — Туэ 9 толэзь ӵоже вытъёс чотын уксё 2,6 процентлы ятыргес вуэмын. Тае, лыдпус 4,2 процентозь мед вуоз шуыса, кун но муниципал учреждениос ваньбурзы понна вуоно арлы тыронъёссэс азьлапал пытсаны быгатозы. Та чотын бюджетлэсь доход люкетсэ 1 миллиард 199 манетлы йылэтыны луоно».
Правительство пыр-поч чотам: таӵе вамыш лэсьтыса, элькунмылэн 2020-тӥ — 2024-тӥ аръёсы тыриськонъёсыз ӧжытгес кылёзы: 2020-тӥ арын — ог 971 миллион манетлы, отӥяз котькуд ар — 1 миллиард 943 миллион манетлы.
Россилэн казнаысьтыз 100 миллион манет вуэмын Вотка городлы — «Формирование комфортной городской среды» программая усто проект дасямез понна. Эшшо Тазалыкез утёнъя министерстволэн вань юнме кыллись ваньбурез, сое вузаса, судебно-медицинской экспертизая бюролы тӥрлык басьтыны, калыклы прививкаос пуктылыны луоз.
Депутатъёс таӵе ӵектонэн соглаш кариськизы. Кызьы вераз Кун Кенешлэн Тӧроез Алексей Прасолов, та ужпумез соос комиссиосын но фракциосын пыр-поч эскеризы ни, соин ик сессия дыръя нокинлэн юанэз ӧз кылды. Озьы 2018-тӥ арлы бюджет сярысь законэ воштон пыртэм бере солэн доход люкетэз 72 миллиард 364 миллион манет, расход люкетэз 72 миллиард 677 миллион манет луиз. Дефицитэз кылиз азьло кадь ик — 313 миллион манет.
Депутатъёс озьы ик огъя мылкыдын воштонъёс пыртӥзы «Сюрес фонд» сярысь законэ — матысь 3 арзэ сюрес вылын мынон-ветлон правилоосты тӥям понна штрафъёсысь Сюрес фондэ кылёз ӝыныез гинэ, кылемез мыноз элькун бюджетэ. Угось туэ та фондлы казнаысь 422 миллион манет ватсамын вал — сое берыктоно. Озьы ик 1,7-ысь 1,9-озь будэтэмын элькунысьтымы ужъя рыноклэсь аспӧртэмлыксэ возьматӥсь коэффициент. Герӟаськемын со шоро-куспо уждун будэмен — али со 33 сюрс 422 манетозь йылэмын. Та бордысь ик потоз мигрантъёслы ужаны лэзись патентлэн дуныз но — вуоно арын со 3 сюрс 942 манетозь йылоз, вал 3 сюрс 642 манет. Нялтас вераса, туэ 9 толэзь ӵоже 453 мурт патент басьтӥз но элькун казнае 93 но ӝыны миллион манет пыртӥз.
Гурт удысъя но сиён-юонъя министерство дэмлаз: пудо шайёсты чакласа возёнэз сётоно ветеринарияя службалы — мукет улосъёсын кемалась озьы ни. Депутатъёс таин но соглаш кариськизы.
«2018-тӥ арын инфляция 4,2 процент котыр луоз, — вераз министрлэн воштӥсез. — Туэ 9 толэзь ӵоже вытъёс чотын уксё 2,6 процентлы ятыргес вуэмын. Тае, лыдпус 4,2 процентозь мед вуоз шуыса, кун но муниципал учреждениос ваньбурзы понна вуоно арлы тыронъёссэс азьлапал пытсаны быгатозы. Та чотын бюджетлэсь доход люкетсэ 1 миллиард 199 манетлы йылэтыны луоно».
Правительство пыр-поч чотам: таӵе вамыш лэсьтыса, элькунмылэн 2020-тӥ — 2024-тӥ аръёсы тыриськонъёсыз ӧжытгес кылёзы: 2020-тӥ арын — ог 971 миллион манетлы, отӥяз котькуд ар — 1 миллиард 943 миллион манетлы.
Россилэн казнаысьтыз 100 миллион манет вуэмын Вотка городлы — «Формирование комфортной городской среды» программая усто проект дасямез понна. Эшшо Тазалыкез утёнъя министерстволэн вань юнме кыллись ваньбурез, сое вузаса, судебно-медицинской экспертизая бюролы тӥрлык басьтыны, калыклы прививкаос пуктылыны луоз.
Депутатъёс таӵе ӵектонэн соглаш кариськизы. Кызьы вераз Кун Кенешлэн Тӧроез Алексей Прасолов, та ужпумез соос комиссиосын но фракциосын пыр-поч эскеризы ни, соин ик сессия дыръя нокинлэн юанэз ӧз кылды. Озьы 2018-тӥ арлы бюджет сярысь законэ воштон пыртэм бере солэн доход люкетэз 72 миллиард 364 миллион манет, расход люкетэз 72 миллиард 677 миллион манет луиз. Дефицитэз кылиз азьло кадь ик — 313 миллион манет.
Депутатъёс озьы ик огъя мылкыдын воштонъёс пыртӥзы «Сюрес фонд» сярысь законэ — матысь 3 арзэ сюрес вылын мынон-ветлон правилоосты тӥям понна штрафъёсысь Сюрес фондэ кылёз ӝыныез гинэ, кылемез мыноз элькун бюджетэ. Угось туэ та фондлы казнаысь 422 миллион манет ватсамын вал — сое берыктоно. Озьы ик 1,7-ысь 1,9-озь будэтэмын элькунысьтымы ужъя рыноклэсь аспӧртэмлыксэ возьматӥсь коэффициент. Герӟаськемын со шоро-куспо уждун будэмен — али со 33 сюрс 422 манетозь йылэмын. Та бордысь ик потоз мигрантъёслы ужаны лэзись патентлэн дуныз но — вуоно арын со 3 сюрс 942 манетозь йылоз, вал 3 сюрс 642 манет. Нялтас вераса, туэ 9 толэзь ӵоже 453 мурт патент басьтӥз но элькун казнае 93 но ӝыны миллион манет пыртӥз.
Гурт удысъя но сиён-юонъя министерство дэмлаз: пудо шайёсты чакласа возёнэз сётоно ветеринарияя службалы — мукет улосъёсын кемалась озьы ни. Депутатъёс таин но соглаш кариськизы.