Версия для слабовидящих
Алексей Прасолов Керчьын быремъёслэн ӵыжы-выжыоссылы мур куректэмзэ вераз

Алексей Прасолов Керчьын быремъёслэн ӵыжы-выжыоссылы мур куректэмзэ вераз

17.10.2018
Алексей Прасолов Керчьын быремъёслэн ӵыжы-выжыоссылы мур куректэмзэ вераз
Удмурт Элькунысь Кун Кенешлэн Тӧроез Алексей Прасолов Керчьын быремъёслэн ӵыжы-выжыоссылы мур куректэмзэ вераз. Озьы ик со сӧсырмемъёслы ӝоггес бурмыны сӥзиз.
Крым Элькунысь Керчь карысь политехникая колледжын пуштон туннэ, 17-тӥ, коньывуонэ лымшор котырын луиз. Россиысь Следствиосъя комитетлэн Крымъя управлениез нырысь ик теракт сярысь уголовной уж ӝутӥз. Но берлогес сое мукетызлы воштӥзы – кык но солэсь тросгес адямиосты кышкыт амалэн быдтон (Россилэн Уголовной кодексысьтыз 105-тӥ статьялэн 2-тӥ люкетэз). Со сярысь Следствиосъя комитетлэн нимлыко сайтаз ивортэмын.
16 часлы 17 быремъёс сярысь тодмо вал. Берлогес Крымлэн тӧроез Сергей Аксёнов мерлыко вотэсбамаз 18 быремъёс но 40-лэсь трос сӧсырмемъёс сярысь ивортӥз.
Следовательёслэн нырысь-валысь веранъёссыя, быремъёс нырысь ик ыбылэмын вылэм. Йыруж лэсьтэм колледжысь 4-тӥ курсын дышетскись 18 аресъем пияш, ачиз ыбиськем. Эскерон ужъёс но адӟисьёслэсь юалляськон азьланьтӥське.
Крымын ӵуказеысен куинь нуналъем кайгырон ялэмын.

Возврат к списку