55 арессэс ортчем кышномуртъёс но 60 арессэс ортчем воргоронъёс понна улосвыл капчиятонъёсты утись кат кутозы Удмуртиын
05.09.2018
Удмуртиысь Кун Кенеш 55 арессэс ортчем кышномуртъёс но 60 арессэс ортчем воргоронъёс понна улосвыл капчиятонъёсты утись кат кутыны чакла.
Катлэсь ӵектоссэ Кун Кенешысь «Единая Россия» фракцие пырись депутатъёс улосвыл кивалтэтэн ӵош дасязы. 6-тӥ куарусёнэ ужкагазэз фракцилэн кенешоназ эскерозы но каткылдытӥсь ёзэсын эскерыны сётозы.
«Единая Россия» фракцилэн кивалтӥсез Анатолий Наумов верамъя, та кат Удмуртиын улӥсь 55 арессэс ортчем кышномуртъёслы но 60 арессэс ортчем воргоронъёслы, потэмын соос пенсие яке ӧвӧл, таяз арын 31-тӥ толсурозь чаклам вань мерлыко юрттэтэз кельтоз.
«Мукет сямен вераса, 2019-тӥ арын 1-тӥ толшорысен улосвыл ласянь мерлыко юрттэт сётӥськоз кунмуртлэн пусъем арлыд вуэмезъя – кышномуртъёслы 55 арес но воргоронъёслы 60 арес, потэмын со пенсие яке ӧвӧл, уз чакласькы», - вераз Кун Кенешысь «Единая Россия» фракцилэн кивалтӥсез Анатолий Наумов.
Со пусйиз, катӵектос Росси азьмуртлэсь Владимир Путинлэсь косэмъёссэ быдэстон вылысь кылдытэмын шуыса. Кун кивалтӥсь соосты 29-тӥ гудырикошконэ калыклы вазиськоназ шараяз. Со пусйиз, пенси сӧзнэтэз воштон улсын пенсие потон арлыдэ вуэмъёслы 2018-тӥ арысь 31-тӥ толсурозь чаклам вань капчиятонъёс утемын луыны кулэ шуыса.
Удмуртиысь Кун Кенешлэн тӧроезлэн воштӥсез, «Единая Россия» партилэн улосвыл ёзэтэзлэн кивалтӥсез Владимир Невоструев верамъя, пенси сӧзнэтэз воштон пумысен кенешонъёс дыръя партилэн генсоветаз Удмуртилэсь 50 пала ӵектонъёс келямын вал. Ваньмыз соос азьмуртлэн вазиськоназ озьы-а, тазьы-а чузъяськизы.
Кызьы вераз улосвыл парламентлэн тӧроез Алексей Прасолов, катлэсь ӵектоссэ матысь сессиын эскерозы, кенешонъёс 12-тӥ но 18-тӥ куарусёнлы чакламын. Озьы ик со пусйиз, катэз юнматэм бере элькунлэсь вань эсэплыко ужкагазъёссэс со тупатоно луоз. Со выллем актъёсты муниципалитетъёсын но кутыны ӵектозы.
Катлэсь ӵектоссэ Кун Кенешысь «Единая Россия» фракцие пырись депутатъёс улосвыл кивалтэтэн ӵош дасязы. 6-тӥ куарусёнэ ужкагазэз фракцилэн кенешоназ эскерозы но каткылдытӥсь ёзэсын эскерыны сётозы.
«Единая Россия» фракцилэн кивалтӥсез Анатолий Наумов верамъя, та кат Удмуртиын улӥсь 55 арессэс ортчем кышномуртъёслы но 60 арессэс ортчем воргоронъёслы, потэмын соос пенсие яке ӧвӧл, таяз арын 31-тӥ толсурозь чаклам вань мерлыко юрттэтэз кельтоз.
«Мукет сямен вераса, 2019-тӥ арын 1-тӥ толшорысен улосвыл ласянь мерлыко юрттэт сётӥськоз кунмуртлэн пусъем арлыд вуэмезъя – кышномуртъёслы 55 арес но воргоронъёслы 60 арес, потэмын со пенсие яке ӧвӧл, уз чакласькы», - вераз Кун Кенешысь «Единая Россия» фракцилэн кивалтӥсез Анатолий Наумов.
Со пусйиз, катӵектос Росси азьмуртлэсь Владимир Путинлэсь косэмъёссэ быдэстон вылысь кылдытэмын шуыса. Кун кивалтӥсь соосты 29-тӥ гудырикошконэ калыклы вазиськоназ шараяз. Со пусйиз, пенси сӧзнэтэз воштон улсын пенсие потон арлыдэ вуэмъёслы 2018-тӥ арысь 31-тӥ толсурозь чаклам вань капчиятонъёс утемын луыны кулэ шуыса.
Удмуртиысь Кун Кенешлэн тӧроезлэн воштӥсез, «Единая Россия» партилэн улосвыл ёзэтэзлэн кивалтӥсез Владимир Невоструев верамъя, пенси сӧзнэтэз воштон пумысен кенешонъёс дыръя партилэн генсоветаз Удмуртилэсь 50 пала ӵектонъёс келямын вал. Ваньмыз соос азьмуртлэн вазиськоназ озьы-а, тазьы-а чузъяськизы.
Кызьы вераз улосвыл парламентлэн тӧроез Алексей Прасолов, катлэсь ӵектоссэ матысь сессиын эскерозы, кенешонъёс 12-тӥ но 18-тӥ куарусёнлы чакламын. Озьы ик со пусйиз, катэз юнматэм бере элькунлэсь вань эсэплыко ужкагазъёссэс со тупатоно луоз. Со выллем актъёсты муниципалитетъёсын но кутыны ӵектозы.
Ивор дасямын "Удмуртия" ивортодэтъя агентство юрттэмъя.