Версия для слабовидящих
Алексей Прасолов удмурт кылъя но литературая дышетӥсьёслэн элькун форумазы пыриськиз

Алексей Прасолов удмурт кылъя но литературая дышетӥсьёслэн элькун форумазы пыриськиз

21.08.2018
21-тӥ гудырикошконэ Можга ёросысь Уча черкогуртын элькунысь удмурт кылъя но литературая дышетӥсьёслэн форумзы ортчиз. Сое Кун Кенешысь тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧри но «Удмурт Кенеш» огазеяськон радъязы.
Кызьы вераз Татьяна Ишматова, элькун парламентысь тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн кивалтӥсез, ужрадлы инты юнме шорысь быръемын ӧй вал — ӵапак Учаын 100 ар талэсь азьло ортчиз дышетӥсьёслэн конференцизы, отысен пумиськиллям но тодматскиллям Ашальчи Оки но Кузебай Герд.
Люкаськем калык азьын вераськиз Кун Кенешлэн Тӧроез Алексей Прасолов. Солэн верамезъя, Удмуртиын 130-лэсь трос калыкъёс уло. Котькудӥзлэн аслаз кылыз, аслаз лулчеберетэз, сям-йылолъёсыз. Россиын асьме элькун висъяське портэм выжыысь калыкъёслэн эшъяськыса улэменызы. Форумын удмурт кылэз дышетон сярысь вераськон мынӥз. Удмурт кылъя дышетӥсьёс, школаослэн кивалтӥсьёссы веразы удмурт кылэз дышетонын выль амалъёс но методикаос сярысь, кудъёсыз юртто удмурт кылэз калык полын тунсыко карыны. «Анай кылэз дышетонын лэчыт ужпумъёс тырмыт. Удмурт Элькунысь Кун Кенеш югдурез чакласа возе. Кенешонъёсамы ми ӵем со ужпумъёсты эскериськомы. Валтӥсез ми понна – шугъяськонъёсты палэнтон, юанъёсты, со пӧлын учебникъёсты лицензировать карон пумысен, умоен сэрттон-пертчон. Кун Кенешысь депутатъёс дась валче ужаны. Кулэ ке, ми рос-прос, котыр ласянь малпаса кылдытэм кичӧлтонъёсын федерал ёзъёсы потыны дась», - пусйиз Кун Кенешлэн Тӧроез.

Возврат к списку