Вавож ёросын Удмуртиысь Егитъёслэн парламентъёссы куспын радъяськись турслёт ортчиз

Вавож ёросын Удмуртиысь Егитъёслэн парламентъёссы куспын радъяськись турслёт ортчиз. Ужрадэз усьтӥзы Кун Кенеш Тӧролэн воштӥсез, тазалыкез утёнъя, демография но семья политикая ялан ужась ӧрилэн кивалтӥсез Надежда Михайлова, тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн кивалтӥсез Татьяна Ишматова но Вавож ёросысь депутатъёслэн Кенешсылэн тӧроез Александр Шишкин. Турслётэ 15 командаос пыриськизы. Егитъёс кызь иськем турист сюресэз ортчизы, кытын дас кык этапъёсты потоно луиз. Соос пӧлын: «чечы шедьтон», байдаркаосын уян, азимутэз шедьтон, эмъюм турын-куаръёсты бичан, турист сиён пӧзьтон но мукетъёс.

Кык нуналлэн йылпумъянъёсызъя, нырысетӥ интыын луиз Сюмси ёросысь Егитъёслэн парламентсы, кыкетӥ – Глазов ёросысь егит парламентариос, куинетӥ интые кылиз Можга карысь но Можга ёросысь егитъёслэн огазеяськем командазы.