Егитъёслэн парламентсылэн Президиумезлэн кенешонэз ортчиз

Константин Алексеев кивалтэм улсын Егитъёслэн парламентсылэн Президиумезлэн заседаниез ортчиз. Кенешонын юнматӥзы кыкетӥ сессилэсь повесткаезлэсь проектсэ. Вуоно сессиын комитетъёслэсь составзэ, ар ӵоже ужан планзэс но ужрадъёссэс юнматозы. Со сяна, сессиын кутскон сётозы «Устоез Егитъёслэн парламентсы» конкурслы.

Туннэ ик Президиумлэн ёзчиосыз веразы, кыӵе уж мынэ али соослэн комитетъёсазы. Егитъёс асьсэлэсь проектъёссэс азьланьто, озьы ик пумиськыло Кун Кенешысь ялан ужась ӧриослэн кивалтӥсьёсынызы. Егит парламентариос верамъя, соос депутатъёсын ӵош ялан ужась ӧриослэн кенешонъёсазы ужалозы. Заседание озьы ик пыриськизы элькун парламентысь тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн кивалтӥсез Татьяна Ишматова но тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн кивалтӥсезлэн воштӥсез Пётр Басов.