Удмуртиысь кык муниципал кылдытэсъёсысь депутатъёслэн кенешсы дырызлэсь вазь ужзылэсь мозмытэмын
28.06.2018
Огдыре 2 муниципал кылдытэтъёсысь — Камбаркаысь но Якшур-Бӧдья ёросысь Чернушкиысь — депутатъёс дырызлэсь вазь мандатъёстэк кылизы.
Таӵе ӵектонэн нырысь ик потӥз вал Удмуртилэн Тӧроез Александр Бречалов. Таӵе решение кутӥз суд но. Мугез: депутатъёс 3 толэзь ӵоже одӥг кенешон но ортчытӥллямтэ. Кун Кенешысь Кунэз радъянъя но интыысь аскивалтонъя ялан ужась комиссилэн кивалтӥсез Александр Прозоров верамъя, кыксэ ик учыръёсты комиссиязы пыр-поч эскеризы — судлэн решениеныз соглаш луизы. Кун Кенешлэн куатетӥ сессияз мукет комиссиосысь депутатъёс но муниципалитетъёсысь эшъёссэс ӧз жалялэ.
Парламентлэн Тӧроез Алексей Прасолов шуиз:
— Кенешонъёс ортчылӥллямтэ, куспазы валамтэос кылдэмен. Но таин ӵош соос возьматӥзы, бырйисьёссэс чик уг гажало шуыса. Малпасько, таӵе учыръёс азьланьын уз луэ ни, угось интыосысь депутатъёсын ми ӵемысь пумиськылӥськом, сюлмаськытӥсь ужпумъёсты сэрттӥськом-пертчиськом. Данакез калыкен быръемъёс, зэмзэ но, сюлмасько бырйисьёссылэсь улон-вылонзэс ӟечгес карон понна.
Камбаркаын но, Чернушкиын но выль депутатъёсты быръёзы туэ огъя куара сётон нуналэ — 9-тӥ сентябре.
Таяз сессиын ик Кун Кенешысь Владимир Нельзин депутатлэн полномочиосыз уретэмын — мандатэзлэсь со куштӥськиз ас мылкыд каремезъя. Озьы парламентын 3 буш инты кылемын, вазенгес мандатъёссэс кельтӥзы Андрей Лямин но Юрий Фёдоров.
Таӵе ӵектонэн нырысь ик потӥз вал Удмуртилэн Тӧроез Александр Бречалов. Таӵе решение кутӥз суд но. Мугез: депутатъёс 3 толэзь ӵоже одӥг кенешон но ортчытӥллямтэ. Кун Кенешысь Кунэз радъянъя но интыысь аскивалтонъя ялан ужась комиссилэн кивалтӥсез Александр Прозоров верамъя, кыксэ ик учыръёсты комиссиязы пыр-поч эскеризы — судлэн решениеныз соглаш луизы. Кун Кенешлэн куатетӥ сессияз мукет комиссиосысь депутатъёс но муниципалитетъёсысь эшъёссэс ӧз жалялэ.
Парламентлэн Тӧроез Алексей Прасолов шуиз:
— Кенешонъёс ортчылӥллямтэ, куспазы валамтэос кылдэмен. Но таин ӵош соос возьматӥзы, бырйисьёссэс чик уг гажало шуыса. Малпасько, таӵе учыръёс азьланьын уз луэ ни, угось интыосысь депутатъёсын ми ӵемысь пумиськылӥськом, сюлмаськытӥсь ужпумъёсты сэрттӥськом-пертчиськом. Данакез калыкен быръемъёс, зэмзэ но, сюлмасько бырйисьёссылэсь улон-вылонзэс ӟечгес карон понна.
Камбаркаын но, Чернушкиын но выль депутатъёсты быръёзы туэ огъя куара сётон нуналэ — 9-тӥ сентябре.
Таяз сессиын ик Кун Кенешысь Владимир Нельзин депутатлэн полномочиосыз уретэмын — мандатэзлэсь со куштӥськиз ас мылкыд каремезъя. Озьы парламентын 3 буш инты кылемын, вазенгес мандатъёссэс кельтӥзы Андрей Лямин но Юрий Фёдоров.