Калашников автоматэз бичан-сэрттон ӝоглыкъя рекорд пуктӥзы Ижкарын

Туннэ, нырысетӥ инвожое, Ижкарын огдыре трос адямиен Калашников автоматэз бичан-сэрттон ӝоглыкъя Россилэсь рекордзэ пуктӥзы. Ужрадэ пыриськизы Кун Кенешлэн Тӧроез Алексей Прасолов, дышетонъя но наукая министр Светлана Болотникова, М.Т. Калашниковлэн нылыз Елена Калашникова но «Ижевский Арсенал» компанилэн кивалтӥсез Михаил Смолович.
Удмуртилэн шоркарысьтыз школаосысь сю кадетъёс сю автоматэз одӥг минут куспын сэрттӥзы но бичазы. Вормонэз «Рекордъёсъя Гиннесслэн книгаезлэн» 11 полэс чемпионэз Александр Муромский пусйиз.
Ужрад Нырысетӥ каналлэн «Стань первым!» ӟечлэсьтон акциез улсын Пыраклы Россиен монумент дорын ортчиз но тодмо конструкторлэн Михаил Тимофеевич Калашниковлэн вордскемез дырысен 100 ар тырмонлы сӥземын вал.
Тодэ вайытом, 1-тӥ инвожое Нырысетӥ канал Ижкарын Нылпиосты утён нуналлы сӥзем «Стань первым!» акци ортчытэ.