Кун Кенешлэн азьвыл чакламтэ сессиез 18-тӥ оштолэзе ортчоз
12.04.2018
Туннэ, 12-тӥ оштолэзе, Алексей Прасолов кивалтэм улсын Кун Кенешлэн Президиумезлэн заседаниез ортчиз. Депутатъёс элькун парламентлэсь азьвыл чакламтэ сессизэ 18-тӥ оштолэзе ортчытон сярысь пуктэт юнматӥзы. Та нуналэ люкаськоно кенешоназы депутатъёс одӥг ужпумез гинэ эскерозы. Повесткае пыртэмын Россиысь генеральной прокурорлэн представлениезъя Удмурт Элькунлы прокурор уже адямиез ӵектон. Россиысь валтӥсь прокурор та уже дэмла Артём Николаевез.
Кун Кенешысь депутатъёс та кандидатураез эскерыса асьсэлэсь соглаш яке соглаш луымтэзэс вераны кулэ. Куара сётон сессиын лушкем амалэн ортчоз. Кун Кенешлэсь азьвыл чакламтэ сессизэ ортчытон сярысь дэмланэн вазиськиз Удмуртилэн Тӧроезлэсь огдырлы ужзэ быдэсъясь Ярослав Семёнов.