Владимир Невоструев Удмуртиысь Дано кунмуртэз Владимир Владыкинэз юбилееныз ӟечкылаз
20.03.2018
Удмурт Элькунлэн дано кунмуртэз, Росси кивалтэтлэн премиезлэн лауреатэз, Кузебай Герд нимо йӧскалык премилэн лауреатэз, Россиысь гожъясьёслэн огазеяськонзылэн ёзчиез, истори тодосъя доктор, профессор Владимир Владыкин туннэ, 20-тӥ южтолэзе, 75 арес тырмонзэ пусъе. Удмурт калыклэсь дано пизэ сӥё-дано ӟечкылан ортчиз Ижкарын Калыкъёслэн эшъяськон юртазы.
Юбилеен ӟечкыланы лыктӥз Кун Кенешлэн Тӧроезлэн нырысетӥ воштӥсез Владимир Невоструев. Со Кун Кенеш кивалтӥсьлэсь Алексей Прасоловлэсь ӟечкылан адрессэ лыдӟиз но сӥзиз профессорлы шудбур но юн тазалык. Улосвыл парламентысь тодосъя, дышетонъя, лулчеберетъя, йӧскалык но егитъёсын ужан политикая но спортъя ялан
ужась ӧрилэн кивалтӥсез Татьяна Ишматова пусйиз Владимир Владыкинлэсь Удмуртиез но удмурт калыкез азинтон понна баӟдым нуэм ужзэ. Депутат верамъя, асьме элькун данъяське сыӵе пиосыныз.