Каракулиноысь школа-интернатысь дышетскисьёс Владимир Невоструевлэсь кузьым басьтӥзы
15.02.2018
Кун Кенешлэн Тӧроезлэн нырысетӥ воштӥсез Владимир Невоструев пумиськиз Каракулиноысь школа-интернатысь пиналъёсын. Выль ар азьын со татын дышетскись ныллэсь Алла Шурминалсь лэсьтэм кузьымзэ басьтӥз вал. Кун Кенешлэн Тӧроезлэн воштӥсез Кузя коркакузё понна Аллалы тау кариз но телефон кузьмаз. Нош интернатысь мукет пиналъёсты ческыт сиёнэн утялтӥз.
Тодады вайытом: Выль ар азьын шаерамы мынӥз «Ас киын лэсьтэм кузьым» акция. Отчы пыриськизы 13 нылпи юртъёс, быдэ вуымтэослэн 10 социально-реабилитационной центръёссы, ляб визьем нылпиослэн 2 интернатъёссы но наркологической диспансерысь быдэ вуымтэослэн центрзы. Лэсьтэмын вал 600 синпель кузьым, 300 открытка.