Кун Кенешлэн Тӧроез ӟечкылаз Алина Загитоваез Пхёнчханын ортчись Олимпиадаын азвесь медаль басьтэменыз

Туннэ, 12-тӥ тулыспалэ, Пхёнчханын Олимпиадалэн фигурной нискыланъя командаослэн турнирез йылпумъяськиз. Тямыс возьматонъёс бере (воргоронъёс, кышномуртъёс, паръёс, йӧ вылын эктонъёс) та вожвылъяськонын Канадаысь спортсменъёс вормизы. Россиысь олимпи атлетъёслэн сборнойзы кыкетӥ инты басьтӥз. Асьме командаен азвесь медаль басьтӥз Удмуртиысь Алина Загитова но. Эрико программаез янгышъёстэк быдэстыса, со устоез луиз.
Вормонэныз фигуристкаез ӟечкылаз Кун Кенешлэн Тӧроез Алексей Прасолов. «Тӥляд устолыкты но тыршемды юрттӥзы Росси командалы азвесь медаль басьтыны гинэ ӧвол, сезонын азьлолэсь ӟеч результат адӟытыны но. Сӥзисько юн тазалык, удалтон но выль вормонъёс Удмуртия но Россия понна», - верамын элькун парламентлэн кивалтӥсезлэн телеграммаяз.