Ижкарын Удмурт Элькунысь лулчеберет кылёсбурез (культурая наследиез) утён ужпумъёсъя калык кылзонъёс ортчозы. 22-тӥ толшоре ортчем кенешонын со сярысь вераз улосвыл парламентысь тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн кивалтӥсез
Татьяна Ишматова. Улосвылысь культурая наследие пыртэм объектъёсты утёнъя кун политикаез быдэстон ужпумъя валтӥсь ивортон лэсьтоз Удмуртиысь Лулчеберет кылёсбурысь объектъёсты утёнъя агентстволэн кивалтӥсез Юрий Перевозчиков. Калык кылзонъёсын историен но лулчеберетэн герӟаськем синпелетъёсты утёнэ калык пыриськон ужпумъёсты ӝутозы, катрадлыкез радъян ужпумъёсты эскерозы. Татьяна Ишматова пусйиз, калыклы валэктоно, макем кулэ элькунлэсь культурая наследизэ утён, угось ӵемысь адямиос уг тодо, карлэсь но улосвыллэсь азинскон сюрессэ возьматӥсь кыӵе пусйымон объектъёс соос котырын вань. Калык кылзонъёс Кун Кенешын 1-тӥ тулыспалэ 10 часын ортчозы.
