14-тӥ толшоре Удмуртиын гожъясез, Удмурт автономия кылдытон понна нюръяськисез Кузебай Гердэз буре ваизы. Ижкарысь синпелетэз доры удмурт азьветлӥсьёс, политикъёс, дышетӥсьёс, пиналъёс люкаськизы. Вераськисьёс Кузебай Гердлы тау карон кылъёссэс веразы но туннэ асьмеос жадьытэк ужаны, солэсь кутскем ужзэ азьланьтыны кулэ шуыса пусйизы. Кун Кенешысь наукая, дышетонъя, культурая, нациосын но егитъёсын ужан политикая но спортъя ялан ужась ӧриен кивалтӥсь
Татьяна Ишматова пусйиз, гожъяськись туж трос лэсьтӥз удмурт лулчеберетэз азинтон понна шуыса. Депутатлэн кылъёсызъя, Кузебай Герд сыӵе уж нуэмен сэрен, туннэ элькунын утиське удмурт кыл. Удмурт калыклэн дано пиезлы сӥзем ужрадъёс матысь дыре азьланьтӥськозы на.
