Удмуртиысь Быръёнъёсъя валтӥсь ӧрилэн кивалтӥсез нош ик Виктор Кушко луиз
05.12.2017
Удмуртиысь Быръёнъёсъя валтӥсь ӧрилэн кивалтӥсез нош ик Виктор Кушко луиз. Сое туннэ, 5-тӥ толсуре, ӧрилэн выль огинэтэзлэн нырысетӥ пумиськоназ бырйизы. Озьы ик лушкем куара сётыса ӧрилэн кивалтӥсезлы воштӥсе Жанна Дворцоваез бырйизы, нош секретаре — Олег Пыреговез. Пумиськонэ Удмуртиысь Кун Кенешлэн кивалтӥсезлэн нырысетӥ воштӥсез Владимир Невоструев пыриськиз. Со аслэсьтыз осконзэ вераз, выль быръем Быръёнъёсъя валтӥсь ӧрилэн огинэтэз азьло кадь нод-нод ужалоз шуыса.