Версия для слабовидящих
Удмурт азьветлӥсьёс люкаськизы Пичи кенеше

Удмурт азьветлӥсьёс люкаськизы Пичи кенеше

09.11.2017
Туннэ «Удмурт Кенеш» ассоциацилэн Пичи кенешезлэн пумиськонэз ортчиз. Ижкаре вуизы быдэс элькунысьтымы но палэнысь азьветлӥсь удмуртъёс. Ужрад сӥземын Удмуртилэн кунлык басьтэм нуналэзлы, соин со кутскиз кунлык понна нюръяськем Трокай Борисовлэн но Кузебай Гердлэн синпелетъёссы доры сяська понон бордысен. Собере люкаськемъёс вамыштӥзы Кун Кенеше. Вань лыктэм калыкен ӟечбуръяськиз но пайдаё уж сӥзиз Кун Кенешлэн Тӧроез Алексей Прасолов. «Туннэ «Удмурт Кенеш» ужа Удмуртиын улӥсь калык понна, йӧскалык лулчеберетэз азьлань нуэ, трос лэсьтэ, асьмеос ваньмы тупаса мед уломы шуыса», - пусйиз элькун парламентлэн Тӧроез. Ужрадэз азьланьтыса, ужамзы сярысь веразы ёросъёсысь «кенешчиос». Озьы ик, «Удмурт Кенеш» огазеяськонлэн кивалтӥсез Татьяна Ишматова 2017-тӥ арын исполкомен ортчытэм уж сярысь йылпумъянъёс лэсьтӥз.

Возврат к списку