Коньывуон толэзе Россиын ортчоз Егитъёслэн но студентъёслэн XIX дунневыл фестивальзы. Удмурт Элькунлэн делегациез пӧлы пыризы Кун Кенеш бордын кылдытэм Егитъёслэн парламентсылэн куинетӥ ӧтчамысьтыз 13 пиналъёс. Соос полын: Владыкин Алексей, Жиляев Антон, Клюева Юлия, Корнилова Мария, Петрушева Татьяна, Пислегина Диана, Садыков Альберт, Семенов Андрей, Созыкина Мария, Уваров Андрей, Шаяхметов Рамис, Шиляев Евгений но Шубина Алина. Тодады вайытом, фестиваль 14-тӥ коньывуонысен 22-тӥ коньывуонозь Сочи карын ортчоз. Отчы 150 кунъёсысь 20 сюрс адями люкаськоз. Удмуртиысь делегациын 125 мурт, со сяна 60 волонтёръёс. Вераны кулэ, фестиваль Россиысь куд-ог улосвылъёсы но вуоз. Калыккуспо ужрадлэн улосвыл программаезъя Удмуртие 26 кунъёсысь 50 делегатъёс
лыктозы. Со улсын ик Ижкарын Пиналъёс понна йӧскалыккуспо лагерь радъяськоз.
