Версия для слабовидящих
Александр Бречаловлэн инаугурациез 18-тӥ куарусёнэ ортчоз

Александр Бречаловлэн инаугурациез 18-тӥ куарусёнэ ортчоз

15.09.2017

18-тӥ куарусёнэ Удмуртиысь операя но балетъя кун театрын Александр Бречаловлэн инаугурациез ортчоз. Элькун Тӧролэн ужоскетаз пырон ужрад улосвылысь Кун Кенешлэн куатетӥ ӧтчамезлэн нырысетӥ сессиезлэн нырысетӥ кенешоназ луоз.
Чакланъёсъя, сӥё-дано ужрадэ Росси азьмуртлэн Приволжск федерал округъя ужоскето муртэз Михаил Бабич лыктоз. Озьы ик инаугурациын луозы Кун Кенешлэн куатетӥ ӧтчамаз выль быръем депутатъёс, кивалтэтлэн ёзчиосыз, федерал ёзэсъёслэн Удмуртиысь ёзэтъёссылэн но ужъюртъёссылэн кивалтӥсьёссы, муниципалитетъёслэн тӧрооссы, элькунлэн дано кунмуртъёсыз, улосвылысь йӧскалык но вӧсьлык огазеяськонъёслэн кивалтӥсьёссы.
Тодады вайытом, 10-тӥ куарусёнэ Удмуртилэсь Тӧрозэ дырызлэсь вазь быръёнъёсын Александр Бречалов 78,16 процент куараосты люказ. Со нуналэ элькунысь 34,54 процентэз бырйисьёс куара сётонэ пыриськизы.
Кун Кенешлэн куатетӥ ӧтчамезлэн нырысетӥ люкаськемаз инаугурация ужрад гинэ чакламын. Мукет юанъёс, озьы ик элькун парламентлы Тӧро но ялан ужась ӧриослы кивалтӥсьёс быръён сессилэн мукет нуналэ ортчоно кнешонъёсаз эскеремын луоз.


Возврат к списку