Удмуртиын Кун Кенеше быръёнъёслы йылпумъянъёсты юнматӥзы

Удмуртиысь Быръёнъёсъя валтӥсь ӧри туннэ, 14-тӥ куарусёнэ, элькунысь Кун Кенешлэн куатетӥ ӧтчамаз депутат быръёнъёслы йылпумъянъёсты юнматӥз. Троссэ куараосты басьтӥз «Единая Россия» (63,16 процент). Собере мыно КПРФ (14,86 процент), ЛДПР (8,95 процент) но «Справедливая Россия» (6,57 процент), соос парламентын интыоссэс утизы. «Родина» (1,94 процент) но «Коммунисты России» (1,44 процент) партиос 5 процент гожез ӧз ортче но Кун Кенеше ӧз шеде.
Одӥг мандатъем 30 округъёсын вормизы «Единая Россия» партилэн 24 ӵектэм муртъёсыз, ас кожазы ӵектӥськем 4 мурт, озьы ик КПРФ-лэн но «Справедливая Россия» партилэн быдэн одӥген кандидатъёссы.
Озьыен, Кун Кенешлэн выль ӧтчамаз «Единая Россия» 47 мандат басьтӥз, КПРФ — 5, ЛДПР — 2, «Справедливая Россия» — 2, ас кожазы ӵектӥськемъёс — 4.
Куара сётонэ 412 сюрс 233 адями пыриськиз, со вань бырйисьёс пӧлысь 34,54 процентэз.
Тодэ вайытом, со нуналэ ик Удмуртиын улосвыллы Тӧроез дырызлэсь вазь быръёнъёс ортчизы. Отын вормиз Александр Бречалов.