Удмуртиысь ЦИК ортчем быръёнъёслы йылпумъянъёс лэсьтӥз

Удмуртиын ортчем Огъя куара сётон нуналлэсь йылпумъянъёссэ лэсьтӥз улосвылысь Быръёнъёсъя валтӥсь ӧрилэн Тӧроез Виктор Кушко. Озьы Кун Кенеше сюрон вылысь 6 партия нюръяськиз. Нырысь чотамъёсъя, ваньмызлэсь трос куара люказ «Единая Россия» — 63,16 процент. КПРФ – 2-тӥ интыын, со пала дурбасьтӥзы 14,86 процентэз бырйисьёс. ЛДПР-лы синмаськемзэ веразы 8,95 процентэз, «Справедливая Россиялы» — 6,57. «Родина» люказ 1,94 процент, нош «Россиысь коммунистъёс» – 1,44 процент. Виктор Кушко вераз, Кун Кенешын кылёзы азьло кадь ик ньыль партиос.
Элькун Тӧро интые нюръяськиз 5 мурт. Быръёнъёсъя валтӥсь ӧрилэн азьвыл лыдпусъёсызъя 78 процентлэсь куара люкаса, ваньзэс азьпалтӥз Александр Бречалов. Владимир Бодров понна куаразэ сётӥз 8.73 процентэз. Со бере мыно Фарид Юнусов (4,82 процент), Тимур Ягафаров (3,17 процент) но Андрей Иванов (2,5 процент).