Версия для слабовидящих
Арня нуналэ шаерамы улӥсьёс Удмуртилы Тӧро но Кун Кенеше депутатъёсты быръёзы

Арня нуналэ шаерамы улӥсьёс Удмуртилы Тӧро но Кун Кенеше депутатъёсты быръёзы

08.09.2017

Таяз арня нуналэ, 10-тӥ куарусёнэ, Удмуртилы Тӧро но Кун Кенеше депутатъёсты быръёнъёс ортчозы.Элькун парламентлэн вуоно созываз депутатъёслэн лыдзы ичигес луоз. Депутат мандатъёс 90 интые 60 кельтэмын. Сыӵе закон кутэмын туэ. Куамын депутатъёс быръемын луозы одӥг мандатъем округъёсъя, эшшо куамынэз партиослэн списокъёссыя. Кун Кенеше быръёнъёсы пырисько куать партиос. Соослэн спиокъёсазы оглом 408 кандидат.
Тодады вайытом, Кун Кенешлэн витетӥ ӧтчамаз пыремын 4 партиос – «Единая Россия», «КПРФ», «ЛДПР» но «Справедливая Россия». Ваньзы соос элькун парламентын фракция кылдытэмын. Тужгес бадӟымез соос пӧлысь – «Единая Россия». Со али ужась 86 депутатъёс полысь 66-сэ огазея.
Озьы ик арня нуналэ шаерамы улӥсьёс элькунлы тӧро быръёзы. Удмуртиен кивалтон понна нюръясько вить кандидатъёс: Удмурт Элькунлэн Тӧроезлэсь ужзэ быдэсъясь Александр Бречалов («Единая Россия»), Тимур Ягафаров (ЛДПР), Владимир Бодров (КПРФ), Фарид Юнусов («Справедливая Россия») но Андрей Иванов (КПСС).
Быръёнъёсъя участокъёс арня нуналэ ӵукна 8 часын усьтӥськозы, ужалозы 20 часозь.


Возврат к списку