Ижкарын «Удмуртский двор» ужрад ортчиз

Кун Кенешлэн Тӧроезлэн нырысетӥ воштӥсез, тазалыкез утёнъя, демографияя но семья политикая ялан ужась ӧрилэн кивалтӥсез Светлана Кривилева «Удмуртский двор» ужрадэ пыриськиз, кудӥз сиземын вал Ижкарысь Устинов ёрослэн 30 арес тырмонэзлы. «Удмуртский двор» ортчиз 76-тӥ номеро школаын.
Светлана Кривилёва пусйиз элькунын удмурт кылэз дышэтонлэсь кулэлыксэ. Депутат вераз, кызьы школаосын но садикъёсын удмурт кыл вӧлме, но кызьы Кун Кенешын ортчизы удмурт кылэз дышетонъя курсъёс. «Милям депутатъёс, Аппаратын ужасьёс шумпотыса дышетӥзы удмурт кылэз. Малпасько, со туж шонер, малы ке шуоно кун учреждениосын, адямиос, кудъёсыз верасько вань элькунысь калыкен, гажаны кулэ Удмуртиын улӥсьёслэсь кылзэ», - шуиз Кун Кенешлэн Тӧроезлэн нырысетӥ воштӥсез.
Озьы ик «Удмурсткий двор» ужрадэ пыриськизы Кун Кенешлэн депутатэз Владимир Нельзин, «Удмурт Кенеш» огазеяськонлэн кивалтӥсез Татьяна Ишматова, Устинов ёрослэн Тӧроезлэн нырысетӥ воштӥсез Владимир Филимонов.