Фермер возёсты сюлмаськытӥсь юанъёсты эскеризы Кун Кенешын

«Справедливая Россия» фракция, Фарид Юнусов кивалтэм улсын, котырес ӝӧк ортчытӥз, кытын эскеризы фермер возёсты сюлмаськытӥсь юанъёсты.
Кылсярысь, Дэри ёросысь фермер Иван Аришин вераз, дуныз бадӟым луэмен, та удысын ужасьёслы туала техника басьтыны уг луы шуса. Со куриз, бадӟым холдингъёс но фермеръёс вискын субсидиос огкадь мед люкиськозы шуыса.
Шаркан ёросысь фермер Михаил Киселевлэн кылъёсызъя, элькунлы уногес саклык висъяно пудо вордон удыслы. Удмуртиын вань трос луонлыкъёс та ӧрэз азинтыны.
Озьы ик заседание лыктэмъёс кооперация кылдытон сярысь кулэлыкез веразы. Сыӵе огазеяськон юрттоз дунэз эскерыны.
Фарид Юнусов пусйиз, та юан борды фракция азьланьын но басьтӥськоз. Котырес ӝӧкын сётэм дэмланъёс но ӵэктонъёс одно ик учкемын луозы.