Элькунысь кунпуш ужъёсъя министерство 2017-тӥ арлэн нырысетӥ паларэзлы йылпумъянъёс лэсьтӥз
20.07.2017
Туннэ элькунысь кунпуш ужъёсъя министерство 2017-тӥ арлэн нырысетӥ паларэзлы йылпумъянъёс лэсьтӥз. Ужрадэ пыриськизы Удмуртилэн Тӧроезлэсь ужзэ огдырлы быдэсъясь Александр Бречалов, Кун Кенешлэн Тӧроез Владимир Невоструев, Удмуртиысь валтӥсь федерал инспектор Дмитрий Мусин.
Кызьы пусйиз Владимир Невоструев, кунпуш ужъёсъя министерство котьку ӵошен ужа элькун парламентэн. «Тӥледын ӵошен туж трос лэсьтэмын Кун Кенешлэн витетӥ созываз. Юонлы пумит законодательной актъёс гинэ витез кутэмын. Берпуметӥ сессиын кат кутэмын, кудӥз 11-тӥ куарусёнэз сазь нуналэн ялӥз. Табере та нуналэ юонэн вузкарыны уг яра. Ужпум секыт, тужгес но гуртъёсын. Соин ик ми та 
ужез ум лябомытӥське», - вераз Кун Кенешлэн Тӧроез.