Версия для слабовидящих
Алнашысь нылпи юртлы «Лукойл» фонд автомобиль кузьмаз

Алнашысь нылпи юртлы «Лукойл» фонд автомобиль кузьмаз

17.07.2017

«Лукойл» благотворительной фонд «Музыкальная планета» акцилэн кутскемез сярысь ялӥз. Со ортче Удмуртиын но Пермь шаерын. 15-тӥ пӧсьтолэзе Ижкарысь Удмурт кун филармониын Александр Покидченко кивалтэм улсын «Творческое содружество музыкантов» ансамбльлэн концэртэз ортчиз. Сцена вылын кырӟазы Москваысь «Новая опера» театрлэн валтӥсь солистэз, баритон Василий Ладюк но Северная Осетия-Алания Элькунлэн сиё-дано артистэз, тенор Алексей Татаринцев.
Та проект улсын Алнашысь нылпи юртлы «Lada Largus» автомобиль кузьмазы. Дышетскон ар кутсконэ элькунысь исскуствоя школаослы но лулчеберет юртъёслы сетӥськозы крезьгуръя выль инструментъёс. Сыӵе кузьым лэсьтэ «Лукойл» фондлэн Пермьысь филиалэз.
Концертэ лыктэм калык азьын вераськизы «Лукойл» фондлэн президентэз Нелли Алекперова но Россиысь Кун Думалэн депутатэз Александр Василенко.
Благотоврительной фондлы но «Лукойл» компанилы Кун Кенеш Тӧролэн Владимир Невоструевлэн нимыныз тау каремзэ вераз элькун парламентлэн Аппаратэзэн кивалтӥсез Рустам Ахметвалеев. Со та ужрадлэсь бадӟым кулэлыксэ пусйиз.


Возврат к списку