Версия для слабовидящих
Таза улонлы сӥзем форумъёс азьланьтӥсько

Таза улонлы сӥзем форумъёс азьланьтӥсько

27.05.2017

Тазалыклы сӥзем форум ортчиз Ижысь Старки микрорайонын. 16-тӥзэ таӵе ужрад радъяськиз Кун Кенешлэн но «Единая Россия» партилэн кичӧлтэмзыя.
Старкиын улӥсьёс дӥне врачъёсын ӵош вуылӥз Кун Кенешысь депутат, Тазалыкез утёнъя, демографияя но семья ужпумъёсъя ялан ужась ӧрилэн кивалтӥсез Светлана Кривилёва. Калык солы вазиськиз, сюлмаськытӥсь ужпумзэс сэрттыны курыса. Берло дыре вераськон потӥз, татысь улӥсьёсты мукет больница борды юнматозы шуыса. Одӥгъёсыз шуо, дышем интыямы ик — 7-тӥ больницае — кыльысалмы, мукетъёсыз дурбасьто матысьгес больницае ветлонлы. Светлана Кривилёва сооссэ но, таоссэ но кылзӥз, дэмлаз калыклэн нимыныз та пумысен Кун Кенеше куриськон гожтыны.
Та вакытлы, кызьы вераз депутат, Тазалыкез утёнъя министерствоен кенешонъёс мыно. Адямиос врачъёс доры черодъёстэк шедьыны мед быгатозы шуыса, чакламын 7-тӥ город больницаез паськытатыны, вӧзысьтыз «Столичный» микрорайонысь куд-ог юртъёс эмъюртлы выжыны быгатозы. Но азьлапал адямиосын кенешемын луоз, кызьы умойгес радъяно эм юрттэт сётонэз.


Возврат к списку